港客點手工啤嫌難入口 要求換過支被拒即大鬧：客人唔啱就換到啱
撰文：卡洛兒
出版：更新：
雖則服務業要以客為先，但「貨品出門恕不退換」也是很合理的事。有小型餐廳老闆投稿至facebook專頁「西客之道」，指曾有客人點了一支手工啤酒覺得太難入口，竟要求餐廳換另一支啤酒給他，樓主稱當時「企硬」拒絕，惟對方大爆一句「你識唔識做生意呀，客人唔啱就換到啱為止啦」，令他非常無奈。
客人叫餐時點了一支手工啤酒，但試飲後覺得太難入口，要求樓主換過另一個牌子的啤酒給他。（視覺中國）
下載「香港01」App ，即睇城中熱話：https://hk01.app.link/l7U1Y7t5LO
有自稱是小型餐廳老闆之一的網民，近日投稿至「西客之道」，指曾經遇過一位客人，叫餐時點了一支手工啤酒，但試飲後覺得太難入口，要求樓主換過另一個牌子的啤酒給他，「留意係換，唔係叫多支」。樓主隨即拒絕客人這個離譜要求，並提出「只可以再叫過第二支」，客人竟反駁「有冇搞錯呀，第二度都有得換，點解你唔畀，叫經理出嚟同我講啦」。
+1
樓主表明自己正是餐廳老闆，對方就繼續大罵「你呢支嘢咁難飲嘅，點解冇得換過支」，他唯有反駁「你自己飲唔到係你自己問題，你會唔會去7仔同人講你買咗支嘢飲，唔啱飲要換過支呀？」此時，客人忍不住爆出「勸世金句」：「你識唔識做生意呀，客人唔啱就換到啱為止啦！」但樓主並沒有被嚇倒，反而一句反駁「我係老世（細），點做生意係我自由，唔使你教我，多謝晒」。
樓主其後於帖文補充指，該客人氣得拋下一句「我食埋呢餐唔會再嚟，睇下你幾時執」，惟事件過去3年後，客人不但沒有「遵守承諾」不再出現，樓主的餐廳更屹立不倒，甚至愈做愈大，「下個月開新嘅分店」。
網民看完帖文後紛紛留言大讚是好老闆，笑稱「想打你工，師兄」、「新店請唔請人」，更有人詢問餐廳名稱，希望支持一下樓主，「真心想幫襯你」。
（fb專頁「西客之道」）