港客點早餐多達10個要求 茶記侍應嘆:可唔可以理智啲落Order呢

撰文:
最後更新日期:

茶餐廳早餐深受港人歡迎,除了「快、靚、正」外,選擇多亦是賣點。不過,有茶記侍應在facebook投訴,遇到有客人點餐時要求多多,無論是沙嗲牛肉麵、炒滑蛋、多士、火腿至餐飲絲襪奶茶亦有不同的改動,最後更要求食物份量加大,讓他與同行食客「兩份食」,令樓主不禁抱怨「早餐幾十個Set俾你選,你可唔可以理智啲去落Order呢」。

有茶餐廳侍應發文指曾遇過麻煩客人,點早餐時有多達10個附加要求。(資料圖片)

+7
+6
+5

下載「香港01App ,即睇城中熱話:https://hk01.app.link/qIZYuEC5LO

有在茶餐廳做侍應的網民近日投稿至fb專頁「西客之道 Hlspitality Secret」,他介紹自己時稱「我雖然係茶記做,但可唔可以唔好叫我做阿姐呢」。除了對稱呼感不滿,樓主亦對客人的奇怪要求感到相當無奈,大呻曾遇過一位客人點早餐時有多達10個附加要求。

樓主說,該位要求多多的客人點餐時,指明沙嗲牛肉麵要轉為米粉,而米粉要「多啲、生啲、爽啲」,另外沙嗲牛肉則要「走牛肉」及沙嗲汁另上。至於套餐的火腿煎蛋厚多士,客人要求煎蛋要轉為炒蛋,但指明炒蛋要「熟啲嘅炒滑蛋」,火腿要轉為香腸,厚多士則要轉為薄多士,並要「細火小烘」及「飛邊」(去皮)。餐飲方面,樓主稱客人要求絲襪奶茶要「叫起」,即在客人要求時才送上,另外「茶要濃啲,奶要多啲另上」。

茶餐廳早餐深受港人歡迎,但有侍應大呻遇上要求多多的麻煩客人。(資料圖片)

客人最後更稱「要多隻碗仔」,聲稱「我早餐唔食得多嘢」,要與同行客人分享早餐。樓主下單後對客人的要求感到相當無奈,大呻「多謝你,呢個餐只賣3x蚊……你諗吓打呢張單,為咗轉嘢要打幾耐,你嗰張單出到嚟又有幾長」。樓主說,明白粉麵「有人喜歡食淋啲,有人喜歡生啲」,但指出沙嗲牛肉是以沙嗲汁煮成,即使客人不食牛肉,沙嗲汁亦會有牛肉味。

樓主續說,客人要求炒滑蛋「熟啲」是匪夷所思,反問「炒到熟晒,又點會滑呢,你可唔可以入去廚房教吓個廚師點炒?」他又說,「太陽蛋」即「Sunny Side Up」,表示兩隻蛋「好似太陽咁」,直指「唔好出到嚟問我隻蛋點解唔反」。身為員工,面對客人的多個要求,樓主亦只能接受,慨嘆「唔係咁樣去滿足西Guest先叫Service好啊,老闆」。

不少網民看完帖文後紛紛留言,有人笑言對同類的奇怪要求已見怪不怪,「唔係唔畀轉,但係有啲客轉到成個餐都唔同晒,究竟係咩心態?」、「其實好老實講,由可以少甜少冰開始,香港人嘅快餐飲食文化已經被縱壞咗」,亦有人認為該客人要求多多是為了留難一眾飲食業員工,「啲人其實唔係覺得自己係食家,而係鍾意當人係玩具咁玩,工人咁使」、「對住呢啲西人只可以意見接受,態度照舊」。

(fb專頁「西客之道 Hlspitality Secret」)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。