【樓奴】單名買樓後斥女友不供樓　連登仔被鬧爆：你迫人上船

香港樓價高企，年青人要供樓勢必要「公一份婆一份」。近日有網民指獲父母代付首期後買樓，打算婚後與女友同住，扣除供樓及其他支出後每月只餘約千元零用錢，惟其月入2.4萬元的女友卻稱沒有供樓的預備拒絕一同供樓，面對樓主抱怨，網民熱烈討論，不少人直斥樓主女友沒業權，要人供樓才有問題。

下載「香港01」App ，即睇城中熱話：https://hk01.app.link/l7U1Y7t5LO

一名網民近日在連登討論區上發帖，題為「如果男朋友買左樓，女朋友是否應該一齊供樓？」，樓主指最近在父母出錢付首期下買了樓，其收入扣除供樓支出、保險供款、飲食及交通費用之後，每月零用錢只餘約1000元左右。他亦提到，如此緊絀的財政狀況只會持續一段時間，待保險於下年供完，「到時就有成皮嘢鬆動」。

他指女朋友月入2.4萬元，惟以沒有供樓的心理準備為由，拒絕一起供樓。樓主表示，「其實個單位都係打算將來同佢一齊結婚之後住先買。啲女仔係咪都打算有福佢享，有苦男當？」

有網民質疑，女友的名字如果未被加到樓契上，樓主要求女友一起供樓的要求根本就有問題，「有名咪一齊供囉」、「如果你無落你女朋友個名喺層樓度，咁你都係慳返喇」、「好簡單，層樓又無佢名，貼錢養你？」。亦有人認為，樓主單名持有單位是保障自己，同樣其女友一起供樓也是保障自己，「不過佢喺度住，燈油火蠟就應該夾嘅」。

對於網民意見，樓主其後表示認同，「女朋友無名無實好難會幫我供」。不過他亦提出單位首期是自己父母辛苦工作多年才儲下來的，「佢咩都無付出過，就咁加佢名上去，相當於要分佢一半。依家算係我最困難嘅時候，作為女朋友係咪應該支持下呢？」。他更提及不明白為何結婚時，所有支出都由男方負責，「買樓要男方畀晒，擺酒又要男方畀晒」，質疑沒有男女平等。

不少網民認為將來的事沒有人知，「而家同你供好無保障，拍咗11年拖都會分手喇」。亦人分享指有朋友的女友協助供樓，樓契亦有女方名字，強調「大家事前傾好，唔係迫人上船」，認為樓主心態不好，「無商無量自己買咗樓又硬要人幫你供，又唔落人名，淨係諗自己」。