「等熟先畀阿女食」 外傭姐姐聽指示「煲香蕉」 網民:佢冇做錯

撰文:
最後更新日期:

各地文化充滿差異,外傭姐姐初來香港都未必能一下子適應,故不時鬧出笑話。近日有僱主在facebook發文,指跟外傭姐姐稱「等啲香蕉熟先畀阿女食」,但後來驚見她用水煲熟香蕉,「有無人知咩玩法?」帖文笑翻一眾網民,有人力撐姐姐「冇做錯」,認為是樓主的表達能力有問題,「煮下咪熟囉」,亦有網民稱東南亞地區的確有這種食法,味道不錯。

煲中正用滾水淥熟3隻剝了皮的大蕉。(fb「巴打絲打 Facebook Club」圖片)

下載「香港01」App ,即睇城中熱話:https://hk01.app.link/qIZYuEC5LO

有網民昨日(14日)在fb群組「巴打絲打Facebook Club」分享一張截圖,當中發帖的網民表示,「我同姐姐講等啲香蕉熟先畀阿女食,轉個頭喺廚房見到呢煲嘢,有無人知咩玩法?」從照片可見,煲中正用滾水淥熟3隻剝了皮的大蕉。

帖文在網上引起熱議,有網民笑稱「佢無做錯喎」,認為是樓主表達得不好,「係你話蕉要熟先食得嘛」,另有網民指,他們的外傭姐姐同樣會這樣煮熟香蕉,而且味道不錯,「老老實實~水煮香蕉食過一定會讚」、「香蕉煮過好滑好香的,大家可以試下」、「我姐姐都試過煎畀我食…又幾好味」,亦有人稱BBQ都會燒香蕉吃,煲熟香蕉未嘗不可。

另有網民表示「水煮香蕉」沒什麼大不了,指曾叫外傭翻熱糯米雞,對方竟然燒紅鑊落油煎,「我聽到唔對路點解啪啪聲先知佢連葉煎緊」。不過有網民稱菲律賓外傭姐姐會這樣煮香蕉,「我剛剛問左菲姐,佢地家鄉係咁煮,係咁煮幫小朋友清腸氣」。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。