港夫婦月入4萬難上車 老婆怨同夫家住冇自由 連登仔大呻超委屈

撰文:謝茜嘉
出版:更新:

香港樓價驚人,不少夫婦結婚後,都會選擇跟夫家同住,但同時亦會產生不少婆媳關係等家庭衝突。近日一名男網民就在網上抱怨,指自己跟太太結婚已1年,因未能負擔得起買樓,便跟太太與自己父母同住,惟搬進後,太太不時埋怨沒自由,更抑鬱至哭起來。其間太太苦苦哀求樓主買樓,但他自知不能負擔首期, 有苦只可心中訴,更揚言:「無樓真係唔好結婚」隨即引來大批網民紛紛參與討論。

有巴打近日於連登討論區大呻與妻子已結婚1年,但仍未有錢買樓自住,但自從妻子搬進家中與老爺奶奶同住後,不時埋怨沒自由,更抑鬱至哭起來,更苦苦哀求巴打買樓。(示意圖,GettyImages)

下載「香港01」App ,即睇城中熱話:https://hk01.app.link/qIZYuEC5LO

該男網民日前在連登討論區以「無樓真係唔好結婚」為題發文,表示跟太太已婚1年,雖然二人收入共有約4萬港元,但仍未能「上車」做業主。樓主稱太太在婚後搬進其家中與父母同住,雖然間中父母會到哥哥家中過夜照顧孫兒,但太太經常投訴沒自由,多人同住感到辛苦,又嫌棄飯菜不合口味等。樓主續指:「老婆話返工已經好抑鬱,依家返到屋企更抑鬱。」更稱她有晚睡覺時狂哭,非常委屈。

+13

樓主表示妻子不斷要求買樓自住,若不夠錢就問老爺奶奶先借後還,但樓主心知其實不可能實現買樓夢,「我唔知點搵人去傾,搞到我好似錯哂咁樣,老婆又喊苦喊忽,唔理我」,令他不禁慨嘆「無樓真係唔好結婚」。

不少網民見狀紛紛留言討論,大部份人認為租樓可暫時解決問題,「買唔到都建議租,月入4萬正常負擔都應該得,仲可以儲到錢」、「有啲錢唔慳得,租住樓先啦」、「同埋你父母一齊生活真係唔係人人都接受到,一定要租㗎啦,如果唔係遲早離婚」。

不過亦有網民質疑樓主當初結婚的決定,「你又唔係趕生小朋友,點解要結得咁急,好似完全冇計劃好咁」、「結得婚就預咗㗎啦,冇能力買咪諗計解決囉」、「其實你老婆愛你先肯同你父母住,作為男人,你係有責任令佢生活變好」。

亦有同路人大呻因為沒錢買樓,即使有另一半都不敢結婚,或是計劃叫女方搬進自己家住,「相見好同住難,但有得揀咩?香港買樓咁貴 」、「普通人真係都幾難儲到首期,買到嘅都係因為有父幹或者有屋企人幫手」。

不少巴打嘆道現時仍單身是正確的選擇,「買唔起樓連拍拖都唔敢」、「唔好辜負人啦」。

(連登討論區)