涼茶舖有「Happy Hour」會點? 連登仔:呢round廿四味,我嘅!

撰文:李納德
出版:更新:

酒吧的「Happy Hour」就聽得多,如果涼茶舖搞同樣噱頭又會如何?有連登仔就發文問:「如果涼茶舖有Happy Hour會點?」引發網民瘋狂幻想,直接將廿四味當成涼茶舖內的烈酒,要一口氣喝完才厲害,「呢round廿四味,我嘅」,又建議可以在杯邊加一粒嘉應子,扮成「Dry Martini」。有人就想到酒吧是結識男女朋友的社交場所,經常有人請陌生人飲酒,笑言如果代入涼茶舖就是「幫我畀杯銀菊露嗰邊個靚仔」。

有連登仔忽發奇想,如果涼茶舖有「Happy Hour」會怎樣。(Gettyimages/視覺中國)

下載「香港01」App ,即睇城中熱話:https://hk01.app.link/l7U1Y7t5LO

大多數酒吧都設有「Happy Hour」優惠時段,讓打工仔下班暢飲鬆一鬆。而連登仔就忽發奇想,提問如果涼茶舖都有Happy Hour會是什麼情況,許多人就想像平時會在酒吧發生的事,「大!yes!你快啲飲咗杯廿四味佢」、「你飲唔曬成支廿八味唔駛旨意出去」、「老闆娘畀Set 廿四味我哋,要膠樽裝果種,另外畀幾支竹蔗水呢幾個哥哥仔,陣間仲要揸車呀」、「咁渣㗎,飲兩杯廿四味就劏,當年啊叔吹一打面不改容」、「你睇吓隔離枱個戇X仔要落糖」。

有網民就開始設計涼茶舖會出現的「酒吧風」飲品,例如「五花茶插住枝香檳出」,又惡搞酒吧經典雞尾酒Dry Martini,表示一杯廿四味要在杯邊掛上一個嘉應子或者話梅,還有另類「特飲」,「一人一杯五加皮、雙蒸、豆漿、廿四味涼茶、維他奶溝埋;再打隻龜蛋落去攪勻,再加多滴墨汁」。

+3

除了可能出現的飲品,連涼茶舖內的活動都被「酒吧化」,例如要仿傚直播「蹴鞠賽事」和「中樂live band」,「嘈鋪定靜鋪?想點首帝女花」。連酒客兩杯下肚會做的糊塗事都想像出來,「有無睇場啊呢到?有兩條友飲多咗喺到耍太極啊」、「Smoke返枝鴉片先」、「先生入面唔畀用煙槍喎,控煙辦嚟到我好難做」。

酒吧屬聯誼場所,因此有網民提出涼茶舖亦應該要「請啲涼茶妹坐台」,有連登仔就指「以前啲人會去涼茶鋪溝女」,又惡搞說「同teatender講有乜涼茶係最苦呀?我失戀呀」。但有理性網民提醒涼茶算藥的一種,「咁玩應該一晚就肝衰竭死咗」。

(連登討論區)