飲茶唔夾錢兼鬧人唔請客唔識人情世故 連登仔:有一種親戚叫無恥

撰文:
最後更新日期:

跟親戚飲茶聯誼本來是樂事,惟遇上麻煩親戚,分分鐘食完都「背脊骨落」。日前一名連登仔在網上發文抱怨,指自己有一班「無恥親戚」每次飲完茶都不付錢,其母為免尷尬,他唯有埋單,而親戚亦不會主動夾錢。直至近日他心有不忿,刻意未有主動埋單,詎料親戚竟當眾高呼「你未畀錢呀」,甚至晚上再打給他,斥責他沒有禮貌及要求夾錢,令樓主大為不滿,坦言之前已多次請客,批評對方「為咗幾百元做到咁醜」。

日前一名連登仔在網上發文抱怨,指有班無恥親戚經常飲茶唔夾錢,還反斥他不懂人情世故,令他非常憤怒。(視覺中國)

下載「香港01App ,即睇城中熱話:https://hk01.app.link/qIZYuEC5LO

該網民日前在連登討論區以「有一種親戚叫無恥」為題發文,大呻有班年約40至60歲的親戚,每次飲茶都不會付錢,「拍拍屁股就走咗」,其母為免尷尬「鬥拖咁」,只好要求他先付錢,而事後親戚不會主動夾錢,樓主一直都不太介意,「我都算啦,幾百元平時食都食咗」。

直至日前母親節,一班親戚又約出來飲茶,樓主打算「之前都畀咗大大話話八九次,今次試吓唔好畀」,詎料埋單時,竟有一名女親戚當眾大聲叫停樓主,「你未畀錢呀!」要求樓主再次請客,結果令他相當不滿,「老奉咩依家!所以扮聽唔到走咗」,本來以為平安度過,但到晚上時,該親戚繼續鍥而不捨,打給樓主問道「你今日做咩唔畀錢走咗,知唔知好無禮貌?」並要求樓主夾錢,「今日母親節,我唔理呀,你要夾返錢,你有份食」,斥責他不懂人情世故,「你知唔知呀,我教醒你咋」。

帖文引起大批網民熱議,紛紛建議樓主不應再出席:

親戚橫蠻無理令樓主非常憤怒,坦言帳單不用1000元,加上平日已多次請客都沒有跟他們計較,「之前你哋都無主動話夾,我又打畀你話你無夾咩」,批評對方「為咗幾百元做到咁醜」。

帖文引起超過9000名網民讚好,紛紛建議樓主不應再出席家庭聚會,或「即刻話自己大懵唔記得,位位收返錢」,又指應該「畀完第一餐見冇夾錢就應該老死不相往來」。另有網民分享類似經歷,指每次大時大節一大班親戚飲茶,「食飽就坐喺度吹水,有一半人無擺低錢就話要走先」,他最初曾主動埋單,但見沒有人夾錢,「依家同佢哋一齊坐,鬥唔畀錢」。

(連登討論區)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。