BB高燒2日仍不求診 家人多次力勸 港媽:想等老公放工一齊去

撰文:
最後更新日期:

小朋友病倒可大可小,一般家長都會非常緊張。近日有網民投稿至facebook專頁「生仔要考牌系列」,抱怨9月個大的侄兒發燒至39度,但阿嫂拖足2天仍不帶BB去看醫生,到全家人都堅持送他入急症時,阿嫂竟爆出一句令人震驚的話:「你哋帶阿B去得唔得啊?我想喺屋企等你阿哥放工返嚟一齊食飯」。帖文一出引起熱議,不少人都對阿嫂的反應大感驚訝,「佢係咪有出街恐懼症?」,亦有人擔心BB將來成長,「帶bb睇醫生都要等老公陪,個b跟住佢都唔知點捱到大」。

↓↓↓ 阿嫂驚人語錄 ↓↓↓

下載「香港01」App ,即睇城中熱話:https://hk01.app.link/qIZYuEC5LO

有網民近日投稿至facebook專頁「生仔要考牌系列」,指侄兒剛滿9個月大,其父母早前帶他到內地遊玩後發高燒,BB燒到39度,但兩日後仍沒有看醫生,樓主家人都非常擔心,催促阿嫂盡快帶BB去看醫生,但樓主阿嫂卻表示要等老公放工才一起去,結果待哥哥放工回來後,診所已關門,「佢哋竟然又冇睇!」

樓主媽媽翌日第一時間請假上門帶BB睇醫生,詎料阿嫂堅持「都話要老公先去」,最後老爺再出聲勸喻才願意去診所看醫生。不過兩日後,BB仍在發高燒,「我哋話不如去睇急症,阿嫂一時話上次醫生開啲藥未食晒,一時又話網上搵咗偏方,煮荷葉綠豆湯畀BB退燒」,並再次強調要老公陪才出門,但最終樓主爸媽堅持帶BB去睇多次診所,但阿嫂繼續自己留在家中。

事情還未完結,到診所後醫生見BB已經燒到40度,立即叫樓主爸媽帶BB看急症,「但重點係,我哋去醫院前叫阿嫂準備文件身份證落樓,佢竟然同我講『你上嚟拎完BB出世紙,你哋帶阿B去得唔得啊?我想喺屋企等你阿哥放工返嚟一齊食飯』」,令樓主不禁咆哮,「到底依個世界係咪有人會咁黐線啊?」。

有網民投稿指,其9月個大的侄兒發高燒,但阿嫂拖足2天仍不帶BB去看醫生。(fb「生仔要考牌系列」截圖)

帖文誇張得引起網民熱議,有人質疑樓主阿嫂是否「有咗小朋友後萬分懷念二人世界」,又指女人不能太依賴老公,亦有網民認為樓主哥哥都有責任,「點解你哥又可以由得佢? 」,有人指整件事苦了樓主和老爺奶奶,「好彩仲有個正常嘅爺爺嫲嫲」。

(facebook專頁「生仔要考牌系列」)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。