【逃犯條例】港男示威無暇拍拖 女友嗌分手:香港重要定我重要?

撰文:
最後更新日期:

「老婆同阿媽一齊跌落水,你會救邊個先?」警民激烈衝突後,政府暫緩但不撤回修訂《逃犯條例》,致周日200萬人上街,風波遲遲未平息,有參與者的感情亦受影響。有網民在連登討論區發文,指他近日頻繁參與示威活動,無暇理會女友,加上現場訊號弱難以聯絡,女友不滿被冷落以「香港重要啲定係我重要啲」威迫分手,令樓主不知如何是好。

6.21反逃犯條例升級示威,示威人士要求政府撤回條例。(張浩維攝)

+7
+6
+5

下載「香港01」App ,即睇城中熱話:https://hk01.app.link/qIZYuEC5LO

樓主周四(21日)於連登討論區發文,表示自己過去一星期頻繁去遊行示威,未有時間理睬女友,自從上次身處現場因訊號弱而無回覆後,女友便「嗌分手」,又問「香港重要啲定係佢重要啲」。

「我答佢梗係香港重要啲」,樓主指自己毫不猶豫選擇了香港,因為「條例過咗我哋就冇未來」,現在不知道分不分手,遂向網民求教。

【逼爆港島】6月16日,民陣連續第二個周末發起反修訂遊行,要求撤回修例、收回暴動說法及撤銷檢控,另要求林鄭下台。黑衣人海逼爆港島。大會宣布有200萬加1人參與,悼念墮樓男子,警方則稱按「原定路線」遊行的人士在有高峰期有33.8萬人。(盧翊銘攝/資料圖片)

帖文引起網民熱烈討論,不少人都認為樓主應考慮分手,「出去抗爭大把同理念嘅好女仔」、「無國何以有家」;有人更直言:「咁大個都唔識諗,國難當前兒女私情梗係行埋一邊」。

惟有人認為女朋友比較重要,因為「所愛嘅地方住咗所愛嘅人」;有高手就教路指,「如果你仲愛佢,可以唔使答成咁嘅,你咁答係人都唔開心啦,你話佢最重要,所以先要保住香港,唔係就冇未來。啲女先受」,希望樓主可以留住女友。

(連登討論區)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。