生活百科|回南天潮濕如何保住靚衫?裝修佬教你6招衣櫃防霉大法

撰文:
最後更新日期:

文:裝修佬

香港近海,長年處於潮濕狀態,特別喺梅雨季節,更係苦不堪言。相信大家都有遇過衣櫃發霉的問題,牽連衣物都會有霉菌滋生,特別是皮製品,確實令人頭疼。其實,發霉問題都有方法可以解決,究竟係點?裝修佬話你知。

↓↓↓ 6個衣櫃防霉大法 ↓↓↓

下載「香港01」App ,即睇城中熱話:https://hk01.app.link/qIZYuEC5LO

防霉配方油漆 

呢個須要喺家居裝修時就揀好,選用含有防霉配方油漆來油屋企牆面。防霉油漆可以有效防止霉菌萌芽及對抗害菌滋生,令污垢唔易附着,耐擦洗,比較適用於廁所同廚房、牆面等易潮濕嘅地方,降低家居環境潮濕,限制霉菌滋生。 

保持通風透氣 

呢樣非常重要,衣櫃發霉嘅一個原因係唔能夠通風乾燥,所以平時要留意打開櫃同室內門窗等,保持居室通風透氣,令室內保持乾燥清爽,同時櫃亦唔會容易受潮發霉,不過要留意天氣情況,如果喺落雨潮濕天氣就盡可能唔好打開,相反要關閉門窗,拒絕外面空氣嘅濕氣進入屋企,預防櫃同櫃入面嘅物品受潮發霉。

裝修佬提醒大家注意保持衣櫃乾爽,比已出現發霉才來處理簡單得多。(GettyImages)

擺放除濕防霉用品 

擺放盒裝除濕劑係防霉好辦法,畢竟衣櫃發霉係由於受潮引起,喺衣櫃度擺放除濕劑可以吸取櫃入面空氣中嘅水分,保持衣櫃乾燥環境,輕鬆達到防潮防霉效果。另外可以將乾茶包掛喺衣櫃度,唔單止可以去除霉味,仲可以令衣物散發陣陣清香。煮咖啡剩低嘅咖啡渣亦兼具吸濕除臭雙重效果,將咖啡渣曬乾後放喺乾淨紗布袋或舊襪度綁緊,就變成除濕包。另外仲有竹炭包用來防潮防霉,臭丸亦多人選擇,但臭丸氣味及成份或對小朋友、胎兒健康唔好,唔建議使用。 

衣物要曬乾先擺入衣櫃 

相信好多人都試過衣櫃發霉,霉菌走到衣物上,整污糟件衫,甚至唔着得。其實主要係由於衣櫃受潮先會發霉,所以第一時間要解決嘅就係衣物一定要曬乾先擺入衣櫃,咁樣一定程度上可以保持衣櫃乾燥,降低發霉機率。 

衣櫃遠離潮濕區域 

衣櫃發霉另一個原因往往就係因為櫃背面嘅牆面潮濕,牆嘅另一邊係廚房、廁所等較潮濕地方,呢個情況下衣櫃係會經常發霉,尤其係家居防水無做好。最好將衣櫃重新換一個位置擺放,平時亦要喺衣櫃度擺放除濕物品如除濕劑,預防衣櫃受潮。 

鋪墊報紙 

報紙係除濕佳品,尤其用喺衣櫃防霉防潮上,喺衣櫃底部鋪報紙,甚至喺衣櫃門內側貼報紙都得。報紙可以吸濕防霉,油墨味仲可以驅蟲,報紙喺衣櫃防潮防霉作用上非同小可。    

裝修佬溫馨提示 

衣櫃發霉係經常遇到而且好頭疼嘅事,須要平時做好預防工作,而唔好等衣櫃發霉先來處理。另外裝修佬提醒大家,如果衣櫃已經發霉,喺清理嘅時候盡可能唔用水,以免衣櫃進一步受潮繼續發霉,建議用紙巾或乾布把霉菌抹走,經常開窗通風,保持衣櫃乾爽,散除霉味,同時將發霉嘅衣物要洗乾淨徹底乾燥後先擺返入衣櫃。

讀者如有查詢,歡迎向「裝修佬」fb留言或私訊,裝修佬將會繼續撰文問解答大家疑問:https://www.facebook.com/hkdecoman

↓↓↓ 圖解牆身除霉方法 ↓↓↓

↓↓↓ 使用漂白水8點注意事項 ↓↓↓

+2
+2
+2

作者簡介:

裝修佬是家居裝修奇難雜症專家,希望透過文章分享及網上互動,解答巿民各式裝修難題,改變大眾對裝修方式和置家理念。

作者facebook專頁:https://www.facebook.com/hkdecoman/

(文章標題由《香港01》編輯所擬。文章純屬作者意見,不代表《香港01》立場。)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。