生活百科|春天地板潮濕出水易跣親 裝修佬教你5大法寶保持乾燥

撰文:
最後更新日期:

文:裝修佬

一年中,最麻煩嘅春天已經來臨,又要過衫唔識乾、地下長期濕漉漉嘅日子喇,可能好多朋友會選擇少洗衫、拖地來解決,但逃避唔係辦法,以下裝修佬同大家分享地板嘅防潮技巧。

↓↓↓ 圖解地板防潮方法 ↓↓↓

+4
+4
+4

下載「香港01」App ,即睇城中熱話:https://hk01.app.link/qIZYuEC5LO

鹽水拖地 

用大概40度嘅暖水加一羹鹽,攪拌到鹽充分溶解後,就可以開始拖地,但盡量擰乾咁拖。點解熱鹽水能有咁嘅神奇功效呢?因為液體揮發速度同溫度有關,溫度越高,揮發速度越快,用暖水拖地,地板自然就會乾得快。而且食鹽中嘅氯化鎂同氯化鈣吸水,喺地板乾燥後又會變成微小顆粒,可以延長地面乾燥時間。 

用抹布抹地 

建議用浸濕後擰乾至不滴水嘅抹布清潔為好,抹過地板後在潮濕天氣之下唔可以開窗,否則地板會變得更濕,可用乾布再抹一次,然後開冷氣機除濕。 

6.回南天地板好易出現濕氣,將一羹鹽加在溫水來拖地,就可以令地板保持乾爽。(GettyImages)

正確開窗通風 

很多朋友為咗防止水氣進入,一日到黑都緊閉門窗,認為只要隔絕室外空氣嘅接觸就可以有效防潮,但事實上,空氣中嘅水分會從廚房廁所同空隙滲入,關閉門窗唔單止無防潮作用,反而容易滋生細菌,危害人體健康。每日朝早同夜晚,這兩段時間空氣濕度最高,而下晝時候相對乾燥,應喺呢段短暫開窗通風,等瓷磚曬太陽透氣,加速水分蒸發,從而達到除濕效果。 

生石灰防潮 

生石灰係一種極好嘅乾燥劑,佢能夠吸收空氣中嘅水氣變成氫氧化鈣,令室內空氣保持乾燥。可買塊狀生石灰放喺紙皮箱內,放喺床下或角落,有助於吸收空氣中嘅濕氣。同時應關閉主要門窗,只開幾扇窗透氣,咁樣吸濕效果更好,生石灰吸濕之後會出現溶化現象,要及時更換。 

鋪舊報紙 

當潮濕回南天來臨,除咗關閉屋企門窗外,喺大門、廁所、廚房門口嘅地上鋪舊報紙可以吸濕,而舊報紙濕後,仲可以當抹布用,吸水力特別強。 

讀者如有查詢,歡迎向「裝修佬」fb留言或私訊,裝修佬將會繼續撰文問解答大家疑問:https://www.facebook.com/hkdecoman

↓↓↓即睇衣櫃防霉方法 ↓↓↓

↓↓↓ 圖解牆身除霉方法 ↓↓↓

作者簡介:

裝修佬是家居裝修奇難雜症專家,希望透過文章分享及網上互動,解答巿民各式裝修難題,改變大眾對裝修方式和置家理念。

作者facebook專頁:https://www.facebook.com/hkdecoman/

(文章標題由《香港01》編輯所擬。文章純屬作者意見,不代表《香港01》立場。)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。