【孤身走我路】公路驚見「風火輪」狂轆唔停　網民：傳說中嘅孤轆

公路上意外頻生，離奇事多不勝數。最近facebook瘋傳車cam片段，片中可見一車胎竟然在公路上自行滾動，如入無人之境，與車並行十分自如，令一眾網民啼笑皆非，有人笑稱該輪胎背影孤單，如「遺棄兒童，係咁追住老豆」。

下載「香港01」App ，即睇城中熱話

近日fb專頁「HongKong CarCam」轉載一片段，只有短短8秒，片中可見車來車往的公路竟有個輪胎滾動，猶如「無敵風火輪」，而其他車子則在旁駛過，場面非常趣怪。

有網民估計事件發生在屯門公路，估計或是前方車輛不小心甩轆所致，笑言：「作為一條輪胎，即使孤獨都要繼續行」、「條呔呔好可愛」、「傳說中嘅孤轆！」、「隱形戰車，終於出現了！」，甚至爆笑自度對白：「等埋我呀～唔好漏低我呀」。

亦有網民直言該輪胎雖然孤身走我路，但仍如在示範正確的駕駛態度，「一個車轆都比大部份人守規舉，唔會亂cut線，同前車保持安全距離」。

（fb專頁「HongKong CarCam」）