貨物塞爆車尾板極「牙煙」　網民怒轟貨車司機：顧下其他人安全

馬路如虎口，駕駛時理應顧及其他道路使用者安全。有網民最近就拍到一輛貨車竟在行駛期間打開車尾板，上面更擺放了一大堆貨物，引起駕駛者熱議。不少人看過照片後直指貨車司機做法危險，「簡直係方便自己，危及他人安全」、「都要顧下其他人安全㗎」。

下載「香港01」App ，即睇城中熱話

有網民轉載照片到facebook群組「馬路的事討論區」，並指：「碼頭就見得多，估唔到喺條街都見到。」據照片所見，事發時一輛貨車正靠左行駛，大批貨物塞滿貨櫃，連車尾板都要擺放，甚至疊至4個紙箱高，只見有幼繩稍作加固，但感覺仍非常不穩及危險。

帖文一出，許多網民怒轟做法太危險，「真係飛機帶都唔打條」、「載貨不穩」，又擔心貨車一旦急轉，車尾板貨物便會跌落，「轉個90度彎嚟睇睇」、「玩到咁大？」批評司機不應為節省運貨時間，卻不顧其他駕馭者的安全，「放多一板，慳到來回一轉」。