數十野鴿聚集坑口港鐵站外開餐 街坊批餵鴿者好心做壞事影響衛生

撰文:安祖娜
出版:更新:

愛護動物也要用對方法,有網民拍下短片,顯示坑口港鐵站外竟集結數十隻野鴿,全部聚在一起努力於地上「搵食」,疑是獲人餵飼後正在開餐。有街坊看過片段稱類似情況非首次發生,因一直有人不定時餵飼野鴿所致,批評相關人士好心做壞事,引來大批野鴿影響區內衛生,更會連累居民承受後果。

有網民拍下短片,顯示坑口港鐵站外集結數十隻野鴿,疑是獲人餵飼所致。(fb群組「將軍澳主場」影片截圖)

下載「香港01」App ,即睇城中熱話

「將軍澳街坊唔好再餵野鴿啦!」網民吳先生昨日於fb群組「將軍澳主場」貼出短片,可見坑口港鐵站外近通風口的花槽旁邊,有大批野鴿聚集,疑是正在進食地上的食物。片段中的野鴿數目最少達數十隻,部份低飛再着地,部份則專心在地上「搵食」。

吳先生表示,一直得知有人會餵飼野鴿,但事發時只見有野鴿聚集進食,沒看到有人帶同食物到場,「平時行經就時不時見到有幾個50-60歲左右嘅婆婆會用麵包餵雀,但餵飼時間好唔定」。不過他也指,平日有人餵飼也只會吸引約10隻野鴿,如片中般誇張的聚集情況亦是首次見到。

+1

該區街坊看過片段都見慣不怪,但亦感到不滿,指相關情況一直沒有改善,批評餵鴿人士好心做壞事,「佢哋(野鴿)自己識野外求生搵嘢食,唔好再好心做壞事」、「餵鴿嘅人以為自己真係大愛」、「留返餵鴿的愛心來照顧身邊有需要的人仲好啦」。

另有部份街坊大呻野鴿聚集不但引來衛生問題,更會影響日常生活,「好心啲人餵乜嘢呀、搞到啲地方污糟邋遢」、「啲人都冇常識,搞到周圍都係白鴿屎,周圍都係細菌」、「除咗要清理窗邊留低啲白鴿屎,連啲窗及掛出去窗口啲衫都中晒,啲衫全部掉得」。

網民「Claude Cheung」早前於facebook分享防止自來雀的貼士,稱只要放這件法寶,就能令雀鳥不靠近窗邊。(網民「Claude Cheung」授權相片)
網民「Claude Cheung」上載的相片可見,鄰居放置貓頭鷹模型後,雀鳥果然沒有靠近該單位,最近亦只是停留於上層單位的花槽。(網民「Claude Cheung」授權相片)
其他網民分享成功例子:
+4
+1