男友出錢畀首期兼供樓 港女想畀意見但卻步:無付出唔應該出聲?

撰文:
最後更新日期:

【買樓/首期/供樓 / 情侶】香港地買樓難,如有能力購入安樂窩,當然想揀選最好的位置、配套及升值條件。有港女早前於討論區發文,指男友準備上車,近日不時與她到各區睇樓,並會詢問她的意見。由於男友獨力負責首期及供樓,港女自感「無付出任何嘢」,即使對男友的心儀單位有意見,也不知應否和盤托出,只好向網民求教。

樓主指男友與她近日到各區睇樓,亦會不時問她意見,但她卻煩惱自己無份付錢,不知應否坦白表達意見。(《香港愛情故事》劇照)

下載「香港01」App ,即睇城中熱話

網民「sundaymonday」日前以「無份出首期係咪唔應該比任何意見」為題於連登討論區發文,表示與男友均視彼此為結婚對象,近日男友儲夠首期打算上車,目標以九成按揭購買約800萬元的單位,兩人不時到各區看樓了解市場資訊,男友亦會問她的意見,「話將來都係一齊住」,然而卻令她非常煩惱。

樓主指,與男友的年資和月薪差距大,對方上車後也會獨自負責供樓費用,因而覺得「自己無付出任何嘢真係唔應該出聲」。她說男友家人一直居於長沙灣,故男友也心儀該區某個單棟物業的單位,「想住近屋企人,加上住開有感情」,然而從投資角度出發,她卻認為同價錢可購入面積較小、但升值潛力較高的將軍澳屋苑單位,「但我無出錢,糾結緊應否不分莊閒咁話畀佢知」。

不少網民紛紛給予意見,大部份也認為樓主可平心靜氣提出看法,讓男友作為參考,「講,聽唔聽另一回事」、「咁你咪照直講你嘅意見,但唔好佢唔聽就發爛詐」、「佢問得你你咪講幾句囉,畀意見又唔代表佢一定會聽、一定會跟你行,如果認定會結婚,咁第時會一齊住畀少少意見都好正常」。

亦有人一語道破,認為從樓主的字裏行間可見男友非常尊重她,認為她不妨坦白自己的想法,「個人覺得佢問得你,應該係唔介意你有冇份出錢,但佢介意未來家庭生活會冇咗你,試下同佢簡單傾下呢一刻你哋對於買樓嘅期望會係啲咩?」、「佢拉得你睇樓,都預咗將來另一半係你,有無份供都好,都照直講你既意見囉,你又唔係逼佢接受你」。

樓主表示,將會告訴男友其想法,但強調會以對方意願為先。(《香港愛情故事》劇照)

樓主其後亦表示,參考網民意見後,決定「略略同佢提及我對各區嘅睇法,不過講到底,在情在理上我都想以佢嘅意願行先」,認為首期是男友辛苦儲下,「佢應該有最大權利去用筆錢」,又指男友心儀長沙灣必定有其原因,「我會嘗試了解多啲長沙灣個社區,我亦好清楚莊閒,付出成筆錢同最終話事權喺佢度」。

同場加映:新盤開售上車業主金句盤點!移民無望唯有買樓、買樓好過中六合彩

+10
+10
+10

同場加映:公屋男怨家道中落 常與私樓女友比較家底 女方好友:又窮又自卑【點擊下圖放大閱讀內容▼ ▼ ▼】

公屋男怨家道中落 常與私樓女友比較家底 女方好友:又窮又自卑

+5
+5
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。