奶奶資助叔仔買樓 人妻憂遺產用盡老公日後冇錢分 轟偏心決割席

撰文:朱利安
出版:更新:

婆媳爭吵自古以來都是難解的問題,有人妻日前在網上發帖訴苦,指老爺去世後留下遺產給奶奶當作生活費,假如奶奶日後魂歸天國,便由三姊弟按比例分餘下的錢。她批評奶奶近日先提款協助叔仔置業,不滿她偏心,認為一旦遺產耗盡,丈夫便無錢可分,「奶奶百年歸老,佢哋(叔仔)有間屋,我老公乜都無」。

人妻在網上發文訴苦,指奶奶偏心叔仔,提早動用生活費幫他置業。示意圖,非當事人。(資料圖片)

下載「香港01」App,即睇城中熱話

該名人妻早前在「親子王國」討論區發帖,表示與丈夫結婚20年,老爺多年前去世,留下遺產給奶奶,假如奶奶日後不幸離世,餘下的款項則由三姊弟按百份比攤分。她指,由於叔仔最近抽到白居二單位,奶奶資助他一家置業,「細嗰個計%拎咗自己個份,但大嗰個仔繼續等奶奶走咗先分」,擔心屆時遺產已經「使乾使淨」,丈夫分不到一分一毫。

人妻不滿奶奶偏心叔仔,決意與夫家「割席」,包括農曆新年團年飯等所有飯聚,通通只讓丈夫自己出席,「從今都唔想再見佢哋,放過自己」。她怒斥因為奶奶的偏心,叔仔成功買樓贏盡所有,自己丈夫卻不會有份,「將來係一個會係大贏家,一早拎自己個份錢去買樓;另一個即我老公,最後乜都無」。

人妻指,假如日後奶奶百年歸老,叔仔手上有物業,自己丈夫卻什麼也沒有。(資料圖片)

她續指,婚後20年來,自己與夫家一直合不來,認為奶奶太偏心,老爺死後更變本加厲,令她間中不禁「懷疑老公係執返嚟」,任由他自生自滅,「所以今日起,唔勉強大家做屋企人,以後唔使預我」。她又強調自己並非貪錢,而是覺得叔仔和丈夫都是親生兒子,為何奶奶對叔仔特別好,「講來講去唔係錢嘅問題,係太偏心問題」。

帖文一出,有網民留言指錢如何分配是奶奶的自由,「要嬲都妳老公嬲先,錢本身都唔係你哋嘅,奶奶仲健在成日諗住有幾多錢分,叫妳老公情何以堪」、「講到尾咪都係貪啲錢」;但也有部份網民認同人妻的做法,「其實唔需要辛苦自己同啲唔啱嘴型嘅人一齊」、「明白妳,有時下一代嘅不和都係因唔公平的父母而起」。

+2

親子王國

同場加映:媽媽過世2年未釋懷 老爺奶奶暗寸無娘家 台女:我還有爹,好嗎

+6

同場加映:港女結婚遇阿媽野蠻要求

+10