港媽拜年叫打牌親友唔好嘈 稱阿仔房內上網課 最後仲發爛渣咁講

撰文:朱利安
出版:更新:

打麻雀幾乎是農曆新年的必備環節,邊玩邊閒聊生活鎖碎事。不過,最近有網民就發文分享,指日前遇上一家人前來拜年,親友們開枱打牌,未料港媽卻要求他們「收聲」,稱兒子正於房內上網課,讓樓主大感疑惑,「咁妳都唔使揀嚟拜年嘅時間(上堂)啩?」。

樓主與親友打牌,突然被港媽喝止,表示兒子正在上課,希望他們安靜。(資料圖片)

下載「香港01」App,即睇城中熱話

樓主在香港討論區以「怪獸家長嚟拜年,叫我哋收聲,話要畀個仔上堂!」為題發帖,表示對方一家三口前來拜年,父親與他們在客廳打麻雀,而港媽則陪兒子在房間玩耍;不久,港媽就到客廳要求眾人降低聲量,惟樓主深感不解,「我心諗有幾嘈呀……打牌係咁上下啦」。

過了一會,該港媽再次走出房間叫客廳的人安靜,樓主忍不住反問:「你哋喺入面玩,我哋嘈少少又點呢?」,對方表示兒子要上課,其他親戚即追問新年期間何來有人授課,「點知佢(港媽)話,我上網搵咗啲外國人教英文,鬼佬唔使過年囉」。

樓主直斥港媽為「怪獸老母」,認為她不應安排拜年時間讓兒子上課。(《嚦咕嚦咕新年財》劇照)

樓主文中以「怪獸老母」稱呼對方,質疑他們拜年約2個小時,其中有大半小時其兒子便在上課,他不禁直斥「咁妳都唔使揀嚟拜年嘅時間(上堂)啩?」,認為他們大可以拜完年到晚上才上課,又不用掃興,弄得場面尷尬,但港媽卻直接發脾氣,「話唔理,總之呢半個鐘頭你哋收聲」。

不少網民批評涉事港媽,「你叫佢分吓莊閒先」、「要靜就去拜山啦,拜乜鬼年啫」、「去人哋屋企作客,唔係要遵守人哋規矩咩?」、「客家佔地主,不知所謂!」,又指明知要拜年,便應錯開上課的時間,父親當時亦應識相出面調停,而非坐在一角「食花生」。

香港討論區

同場加映:網民熱議同事唔派利市奇葩理由 阿仔生日都關事 做錯呢樣犯眾憎

網民熱議同事唔派利市奇葩理由 阿仔生日都關事 做錯呢樣犯眾憎
+5

同場加映:利巿乞兒│63歲未婚經理搲利市 清潔姐姐都唔放過 收唔到即面黑

利巿乞兒│63歲未婚經理搲利市 清潔姐姐都唔放過 收唔到即面黑
+3
你可能感興趣