男友暴力掌摑轉頭氹返 港女被家暴仍想感化對方 網民:咪呃自己

撰文:安祖娜
出版:更新:

暴力絕非解決問題或發洩情緒的方法,更何況對象是心愛的人?有港女於討論區發文,指男友平日待她如珠如寶,將她放於首位,然而兩人相處遇到爭吵時,男友激動起來卻會掌摑她,行為甚至愈來愈暴力。她深明男友日後仍有機會「再郁手」,卻不捨對方,甚至希望感化男友。帖文引來網民熱議,不少勸她盡快分手保護自己,「唔通你想俾佢打死先走?」。

有港女發文指,男友激動時會以暴力對待她,雖然明知關係不健康,她仍苦惱應否分手。(《深夜前的五分鐘》劇照)

下載「香港01」App ,即睇城中熱話

「打完我又氹返我」,該名港女早前於Dcard討論區發文,稱與男友相識時,對方一直表現斯文,「但耐咗就開始現形」。她說男友激動時表現與平日截然不同,起初會「好大力捉我隻手,每次都會捉到瘀晒」,後來愈來愈暴力,早前更因小事掌摑她,「但打完又氹返我,佢話唔係我發脾氣佢都唔會打我」。

港女指,深明自己被打後仍接受對方絕對有問題,「試問邊個女仔會接受到男朋友打佢?」,但想到平日與男友的相處卻不捨得提分手。她說對方會將她放於首位,又願意為她付出,「佢平時唔打我嗰陣真係唔錯,就算無錢都會畀我食先,又會煮飯我食,連啲碗都唔使我洗,話唔想未來老婆辛苦。每次我話想食咩佢幾遠都會買畀我,女仔都唔會望多眼」。

港女指,男友平日將她放於首位,激動時卻會使用暴力,令她不知如何是好。(《深夜前的五分鐘》劇照)

她直言面對這段關係時不知應如何選擇,形容兩人相處猶如「坐過山車」,「我唔會再信佢話佢唔再郁手,我知有第一次就會有落去」,同時卻不捨男友,只好向網民訴苦及詢問意見:「有時真係好攰,我到底可以點做?有無過來人感化到另一半?」

帖文引來網民熱議,不少人紛紛留言勸樓主盡快分手,「對你幾好都好,萬一有一日佢控制唔住自己,發生意外,你有命享受呢啲好?介紹佢去精神科啦」、「理得佢平時幾好,打就係打,分得。而家佢唔打算改,咁你留低做咩?繼續俾人打?感化到你一早感化咗啦,唔好自己呃自己咁傻女,早走早着」、「打完氹就得啦?黐線,打妳嗰下你就分得手,呢啲嘢唔可以開個頭,開咗就要即刻結束」。

+9

同場加映:恐怖男友疑女友出軌 偷入屋大報復 阿媽求情一句辣㷫受害女

+14

同場加映:現實中恐怖情人10大特徵

+15