乘搭飛機一般是每人1個座位，一般不容許霸佔其他座位的情況。惟有港男在社交平台發相發文，表示日前乘搭飛機時，見到1名大叔1人霸佔了3個座位，直接在椅子上「躺平」閉目休息，令他質疑「請問呢個係咩玩法？1個價錢，3個位置」。

網民︰我都好想咁瞓呀

樓主在帖文批評該名大叔「隊埋隻腳過嚟我度」，而照片角度是在霸位大叔的座位旁通道拍攝，未知大叔當時是否有伸腳觸碰到樓主。

網民笑言「冇人坐咪瞓囉，長途機好正常，我都好想咁瞓呀」、「架機唔滿加上人哋好運囉，你鍾意嘅都可以問吓佢可唔可以一齊瞓」、「唔抵得呀？」「單睇相又真係冇隊埋你到，定係你只係唔想佢個方向係咁瞓？」。

（Threads）