被賊人偷書，付錢就可以贖回？有港男日前地將單車短暫地停泊港鐵粉嶺站橋底，車尾外賣箱內放有2本考日語能力試的備試攻略書，沒料到竟被賊人偷走。港男急切尋回愛書，竟聲稱翌日會將單車停泊在同一位置，屆時會放100元在外賣箱內，盼用錢贖回愛書，但網民紛紛勸阻，更預計只會連錢都被盜走。

單車尾箱日文書被偷　港男欲用錢贖回

該港男於facebook群組「北區之友」發文，指事發當天他需要去看醫生，故將單車停泊在港鐵粉嶺站橋底約2小時，當時車尾外賣箱內放有2本考日語能力試的備試攻略書及1份試卷，怎料被賊人偷走，樓主無奈笑說「仲要好有手尾幫我拉埋拉鏈，留返裝書用嘅膠袋畀我」。

港男表示，該2兩本書對賊人來說是「唔值錢」，猜想會當作廢紙賣給回收商，他希望賊人能將2本書歸還，「始終偷書，輸輸聲真係唔老嚟呢」。他聲稱翌日會將單車停泊在同一位置，向賊人喊話「你畀返啲書畀我，我擺返100蚊喺入面請你食餐飯好唔好呀！」。

港男上載1張同款書的價目表圖片，被偷走的是《N3語法必備：新日語能力考試》，價值18.5元人民幣（約20港元）。

網民：賊人或連100元都偷埋

有網民猜測，「如無意外應該某某人即日已經幫助你送咗去6仔（「綠在區區」回收站）去儲分數！」，港男回覆「咁益6仔都唔益返我」，同一網民笑言「你應該下次每本書一早夾住100蚊，邊個見到本書同100蚊，佢只會剩係拎走100蚊，唔帶走本書，留返本書畀你囉」。

另有網民猜測「攞去街邊回收檔機會大啲，現錢嘛！」、「可能啲婆仔，佢哋好鍾意執嘢，有次啲嘢喺側邊，佢哋都夠膽死拎」。有網民擔心「佢（賊人）唔上fb咪睇唔到留言」，港男回覆「咁我咪慳返100蚊雞囉」，有人更預計「係呢100（元）都偷埋」。