書展小學生受訪片瘋傳!他讚練習種類多:幾鍾意 爸爸這句成焦點

書展小學生受訪片瘋傳!他讚練習種類多:幾鍾意 爸爸這句成焦點
撰文:李納德
出版:更新:

書展一連7天在灣仔會議展覽中心舉行,家長當然要帶小朋友去買功課練習!社交平台更瘋傳1段由Now新聞台訪問市民的影片,1名小學男生受訪時大讚書展「啲練習種類好多,而且幾豐富,搞到我都幾鍾意」。記者追問做練習會否辛苦,男生從容回答「唔會,點會呢,做練習有時可以好輕鬆咁樣做」,身旁的爸爸補上一句,指練習不宜買太多,「夠1年用就ok」。

片段被網民轉載加上文字描述,爆笑指「deedee 你同我講後面係咪有支槍指住你」、「我已經唔知佢係曲定直」、「個細佬心諗:你仲問?!係咪想我畀屋企人繼續加練習」。部份網民則認為小朋友可能真心愛做練習,「我仔真係有同學好鍾意做練習,係學霸來」。有網民笑指該男生去書展買一年份量的補充練習很可憐,「求小朋友心理陰影面積」。

有小學生在家長陪同下到書展買練習,他大讚「練習種類好多,而且幾豐富,搞到我都幾鍾意」。(Now新聞截圖)
有小學生在家長陪同下到書展買練習,他大讚「練習種類好多,而且幾豐富,搞到我都幾鍾意」。(Now新聞截圖)

小學生讚練習種類多:我都幾鍾意

今年書展同樣有大量家長帶子女到補充練習攤位買練習,昨日Now新聞台前往採訪,其中1對父子的訪問片段被網民傳載到Threads引起熱議,更有網民加插文字描述。片段中1位家長搭住兒子膊頭受訪,就讀小學的兒子表示「(書展)啲練習種類好多,而且幾豐富,搞到我都幾鍾意」。

有小學生在家長陪同下到書展買練習,他大讚「練習種類好多,而且幾豐富,搞到我都幾鍾意」。(Now新聞截圖)
家長認為練習不用買太多,「夠1年用就ok㗎啦」,網民認為是一次過買夠1個年級的練習份量。(Now新聞截圖)
家長認為練習不用買太多,「夠1年用就ok㗎啦」,網民認為是一次過買夠1個年級的練習份量。(Now新聞截圖)

練習可「輕鬆做」 父:唔好太多,夠1年用就ok㗎啦

記者追問他「咁做練習辛唔辛苦呀deedee?」小學生答:「唔會,點會呢,做練習有時可以好輕鬆咁樣做」。身旁的家長就指購買練習的數量不宜過多,「唔好太多,夠1年用就ok㗎啦」。

網民爆笑:唔知佢係曲定直

片段令網民爆笑,「發羊吊睇一次,笑一次」,認為小學生沒說真心話,又幫小學生加上文字描述,笑指他聽見父親要買1年份量練習時心裏應不是味兒,「求小朋友心理陰影面積」、「笑死我 個deedee,我已經唔知佢係曲定直,幾鍾意做練習嘅deedee,個阿爸又搞笑,梗係夠一年用就夠,為下年升班啊嘛」、「唔好睇佢答咩,要睇佢眼神,幾閃縮」、「deedee喺爸爸面前求生慾好強」、「好地地搭膊頭,記者追問句 老竇即刻變咗撳住佢條頸」、「你估佢想㗎?你見唔見到個老竇用九陰白骨爪抓住佢膊頭」、「老豆話唔好太多夠1年用,即係年年都要做」。

網民又幫父子作心底話,「小朋友:我大過去做廚師算」、「個細佬心諗:你仲問?!係咪想我畀屋企人繼續加練習!!」、「老豆:講好啲呀,唔係做夠你10年」。

有網民在新聞片上加插文字表表達小學生的心情。(Now新聞/Threads「jojo__wu」)

網民稱有小朋友真心喜歡做練習:有咩咁出奇?

但部份網民認為,該男生可能真的覺得做練習輕鬆,而且書展買夠1年份量的練習也不出奇,「講真,有啲小朋友真係好鍾意好練習,有咩咁出奇」、「認真,我仔真係有同學好鍾意做練習,係學霸來」、「我識得有啲人真係買定幾年」、「做咩啫?人哋興趣係鍾意讀書,讀書都好有挑戰性㗎」。

(Now新聞台/Threads)

正在加載