食芒果糯米糍都會期望皮薄餡靚。有男網民在網上大呻中伏經歷，指幫襯大圍一間小食店，買了10元1個芒果糯米糍，可是咬下去發現勁厚皮，芒果餡只有薄薄一層，令他傻眼不禁批評「我X」。不少網民笑言「$10買皮仲送芒果肉」、「芒果饅頭」，不過有對糯米糍皮情有獨鍾的網民則表示好吸引，「想食」。

芒果糯米糍好厚皮

有男網民在Threads上發相，他在大圍的小食店買了1個芒果糯米糍。從相片可見，糯米糍的大小與坊間無異，可是樓主咬開後，卻見到糯米皮好厚，中間的芒果餡只有糯米皮約4分之一大小。

網民笑：$10買皮仲送芒果肉

不少網民替樓主不值，更笑言「10蚊差唔多啦，佢整大咗個皮益你啫」、「以為奶皇包」、「$10買皮仲送芒果肉」。不過也有不少人表示是「厚皮派」，「喺邊，我鍾意厚皮」、「我係煙韌控，我鍾意厚皮少餡，有冇人同我一樣，就係鍾意食咗餡先食層皮」、「好鍾意糯米皮嘅我表示想食」。