因1件T恤被男友誤會愛睇波 港女捱完英超再焗睇歐國盃:惡夢又嚟

撰文:安祖娜
出版:更新:

歐洲國家盃賽事如火如荼,不少球迷為了觀賞分組賽晚晚捱眼瞓。有港女就在討論區崩潰大呻,稱早前因曾分享球隊與卡通人物聯乘推出的T恤予男友,令對方誤會她對足球感興趣,自此睇波也會邀請她。港女為了不想男友失望只好「頂硬上」,沒料看過英超後竟迎來歐國盃,令她大呼「冇覺好瞓」,更直指不介意男友相約兄弟好友觀看球賽,「由我瞓吧!」。

有港女發文大呻,稱被男友誤會她喜歡睇波,只好「頂硬上」陪對方觀賞歐國盃,導致「冇覺好瞓」。(《不日成婚》劇照)

下載「香港01」App ,即睇城中熱話

「乜咁大整蠱?」該名港女於香港討論區發文,直指近日被歐洲國家盃賽事弄得「冇覺好瞓」。她說有次曾在朋友聊天群組見到德甲球隊多蒙特,與卡通人物史努比聯乘推出的上衣相片,認為款式不錯遂轉發予男友,「話想要陪佢睇波著」,沒料自此便被對方誤會「對睇波有興趣」。

多蒙特曾與卡通人物史努比聯乘推出服裝及精品:

+5

樓主不想令男友失望,只好花時間陪對方睇波,惟她坦言對足球一無所知:「我連一隊足球隊10人定12人都分唔清(編按:是11人)。」她以為早前的英超賽事完結後便能重獲正常作息,卻沒想到遇上4年一度的歐洲國家盃,「我嘅惡夢又嚟」。

港女稱,男友為了她着想已編製睇波時間表,「話凌晨起身睇波可以輕鬆夠瞓」,但她仍會「睇睇下發呆,或者瞓着」。她大呻曾以「眼瞓」為由推卻男友的邀請,不過對方似乎不明白,「有無發現你身邊以為最親嘅人一啲都唔了解你呢,睇波嘅嘢,你自己同兄弟去得㗎啦,由我瞓吧!」。

港女男友已編好「睇波時間表」,但常常捱夜仍令她非常疲累。(《不日成婚》劇照)

帖文引來網民討論,有人認為樓主最好還是向男友坦白,免得日後仍要不斷捱眼瞓,「出聲表達不滿啦,男人有時真係唔點就唔明」、「有時你唔講出嚟真係唔會明,兩個人係一齊就應該多溝通」、「你無坦白話佢知你無興趣睇波,梗係唔了解你,以為人哋係你肚裏面條蟲?」。

亦有網民認為樓主或可趁機了解男友愛好,更指陪男友睇波是女友的「加分位」,「反正都係要睇波,不如嘗試下了解咩係足球比賽,可能你會愛上呢」、「陪男人睇波絕世女友」、「其實睇睇下,真係好刺激㗎」。

同場加映:家長想幫3個月大男嬰報足球班

很多家長都為孩子安排多個運動興趣班,希望能強身健體,不過有港爸向1間足球學校查詢,其3個月大的兒子可否報讀該校的足球課程,引起網上嘩然,嘲諷他「未學行先學踢波」。

利物浦國際足球學院香港分會回覆《香港01》時表示,課程經過與英國國際球會方面商討,安排會以小朋友安全着想,考慮到小朋友的肌肉發展、自理能力及認知,認為小朋友於3歲起上足球班是合適的年齡,亦指場地保險覆蓋的學員年齡亦為3歲或以上。

有港爸近日向1間足球學校查詢,其3個月大的兒子可否報讀該校的足球課程,引起網上嘩然。(fb專頁「球人誌」圖片)

網民紛紛到該帖「朝聖」寸嘴留言▼▼▼

+3

同場加映:韓國足球聯賽不開放 球隊放公仔助興似性愛娃娃 被罰1億韓圜▼▼▼

受新冠肺炎(COVID-19)肺炎疫情影響,韓國職業足球聯賽去年由2月推遲至5月8日開季,但K1球隊「FC首爾」因比賽期間,將30個充氣娃娃放到看台上當作「球迷」,引來網民熱議,最後更被韓國足聯破紀錄地判罰1億韓圜(約62.9萬港元)。

韓國職業足球隊「FC首爾」在觀眾席上擺放30個「充氣娃娃」,結果韓國足聯被罰款1億韓圜。(路透社)

同場加映:與朋友睇波後post相竟激嬲老婆 港男要網友評論:佢係咪好小氣?▼▼▼

發表評論...