2歲仔黐實外傭 在職港媽質疑姐姐縱容所致:我真係好心酸好妒忌

撰文:安祖娜
出版:更新:

不少雙職父母也會聘用外傭打理家頭細務及照顧子女,但卻擔心子女與對方過分親近。有港媽於討論區發文,稱兒子自2歲起「突然好黐工人」,平日換尿片、洗澡或半夜睡醒也會首先找外傭。她認為姐姐平日縱容兒子,導致兒子習慣對方照顧,惟因自己有工作在身,只能繼續依賴姐姐協助,坦言「作為阿媽我真係好心酸好妒忌」。

有港媽大呻2歲兒子與外傭過分親近,認為情況因對方縱容兒子所致。(《爸媽不在家》劇照)

下載「香港01」App ,即睇城中熱話

該名帶職媽媽於親子王國討論區以「我個2歲寶貝仔好痴姐姐」為題發文,指因工作關係,已聘請外傭照顧年幼兒子。不過她發現兒子自2歲開始「突然好黐工人」,生活上大小事也首先找姐姐幫忙,「例如換片、沖涼、唔開心、驚驚、半夜扎醒……之前都唔會」,直言身為媽媽非常難受,「我真係好心酸好妒忌」。

港媽指,平日為了與兒子建立關係,與丈夫每日下班後也會趕回家陪伴,「沖涼、玩、講故事、『暗』瞓覺、飯後散步都係我同老公做。放假都會3口子出街,唔會帶姐姐」,間中也會讓本身與姐姐同房的兒子到兩人的房間內一同睡覺。

看到兒子常常「黐實」外傭,港媽直認心酸及妒忌。(《親親我好媽》劇照)

不過近日每當兒子半夜醒來,也會即時找姐姐,「我嘗試過幾次半夜佢喊住搵姐姐時氹佢,同佢講姐姐瞓咗、放咗工,佢自己攬住公仔走出門口去姐姐間房拍門,坐地下等姐姐開門同喊到癲咗」。她明白兒子並非刻意與自己疏遠,惟仍難以接受現實,「作為阿媽我真係好心酸好妒忌。我當然知道姐姐對佢好先會咁,但真係唔可以咁睇得開」。

港媽認為兒子與外傭過於親近,除了因她未能貼身照顧,也與姐姐事事縱容有關,如兒子半夜一哭,姐姐便會將其抱到自己床上一同睡覺,令兒子久而久之習慣對方陪伴,「我覺得俾佢同姐姐瞓好錯,但老公又話姐姐好辛苦冇得瞓,由佢。而家咪搞成咁囉,同我地瞓都要搵返佢囉」。她大呻情況不知何時才有改善,已令她一度情緒崩潰,「都唔知要忍幾耐,我試過半夜自己一個人喺廳到喊」。

港媽直指事件已令她一度情緒崩潰,網民則紛紛安慰她毋須過分介意。(《爸媽不在家》劇照)

帖文引起一眾在職家長共鳴,紛紛安慰樓主毋須過分介意,「晚上跟父母睡係好關鍵㗎,當年我又係咁,一放工就接手照顧,沖涼食飯玩講故事跟住睡覺,孩子最黐我」、「唔使妒忌,慢慢大就會跟返父母㗎啦,而且值得安慰嘅係,姐姐一定對佢好好佢先咁親姐姐嘅」、「捱多一陣,呢個歲數都麻煩、都好辛苦,姐姐功勞唔少㗎」。

同場加映:港媽感恩遇到好外傭 湊B視如己出家務一腳踢 加人工還「投訴」

+8

同場加映:全家常肚痛不適近2個月 驚揭關外傭事 僱主:佢用呢樣嘢抹碗筷👇👇👇

+6

同場加映:僱主批外傭態度散漫如working holiday 疫情蒲吧唱K酒店開派對👇👇👇

同場加映:外傭姐姐懷孕誕女 暖心僱主念20年主僕情 一家4口決心助照顧

Charlie和Fanny一家與外傭Mus感情深厚,去年兩人發現Mus已懷孕,決定照顧Mus與其女兒。(融幼社提供)
+3