港男幫女友儲MIRROR鏡仔卡 一周食5日半麥炸雞 呻生飛滋兼增肥

撰文:卓柏安
出版:更新:

MIRROR出道3周年之際,麥當勞推出16款鏡仔卡和簽名包裝盒,引來一眾鏡粉瘋狂集郵打卡。由於鏡仔卡隨麥炸雞餐隨機派發,想儲齊全套卡就要努力食雞!有港男在討論區上發文,指自己上星期吃5日半麥炸雞餐才儲齊3張鏡仔卡給女友,後來才知道「原來佢係分4個禮拜咁送」,還要多吃3個星期儲卡給女友,同時女友又拒絕買卡「鼓勵炒風」,令男友極度崩潰,擔心一旦未能儲齊12張卡將會前功盡廢。

麥當勞麥炸雞餐隨餐隨機派發MIROR鏡仔卡,吸引大量鏡粉儲卡。(資料圖片/梁鵬威攝)

下載「香港01」App ,即睇城中熱話

麥炸雞餐隨餐隨機派發MIRROR鏡仔卡,每星期推出3款,整個活動將舉辦4個星期。有港男在香港討論區上發文,直指「救命!我真係唔X想再食雞餐!」。他在內文提到自己上個星期已經吃了5日半麥炸雞餐,「幾經辛苦先儲得晒上個禮拜嗰3張卡」。最初「以為好似上次咁剩係得3條友就食完」,希望未來半年都不再需要吃麥炸雞,「點知原來佢係分4個禮拜咁送,先會儲得晒12張卡,可以畀女朋友召喚神龍」,感到十分失望。

港男曾向女友提議,「不如唔食直接上網買」,但被女友拒絕,指會助長炒風,令港男呻苦「大佬呀,又唔係你食,你梗係唔鼓勵㗎」。他指自己已因食用大量炸雞而生飛滋,但未來還有2個半星期要吃,而且並非每次都可以幸運地沒有撞款,更已經試過「膽粗粗喺麥當勞問人哋可唔可以同佢換…」。

多間麥當勞亦都有以MIRROR的擺設及布置,吸引鏡粉打卡。(資料圖片/梁鵬威攝)

港男表示,想到如果最後未能儲齊所有卡,他這4個星期的努力就會白費,女朋友又會不滿,「錢又冇,肥又增咗,女朋友又嬲埋我,到時就變3失青年」。事已至此,「我只係希望2022年麥當勞唔好再有類似活動,如果唔係做幾多運動都唔掂」。

有網民建議,樓主可以考慮購買食物之後只取走鏡仔卡,又或將食物轉贈他人,「唔好再食啦,好唔健康」。不過亦有人勸喻樓主,應該要直接向女友表示不滿,「唔識同女朋友講?唔識拒絕?」。後來港男表示,今次已經偷偷買卡,希望女朋友不會察覺。

(香港討論區)

你可能感興趣