老公30出頭已零性慾 人妻直言「Dry到爆」:我唔要咁樣過下半世

撰文:卓柏安
出版:更新:

性事不和隨時可以引致感情危機!有人妻在討論區上發文,指與老公已經有小朋友,但30出頭的他已經沒有性慾,即使人妻主動求性,亦都被老公拒絕她先做前戲。人妻曾與老公商討性事問題但無果,曾經檢查老公手機又確認沒有第三者,「係乖乖老公」。人妻表示,不希望如此過下半生,所以向網民求救。

有人妻在討論區上發文,指老公只是30出頭就已經沒有性慾,感到十分煩惱。圖為示意圖片,非當事人。(GettyImages)

下載「香港01」App ,即睇城中熱話

人妻在香港討論區上發文,指自己「30歲女,有老公=無老公」。她在內文提到,老公與自己年齡相約,「都係30頭」,「但性慾=0」,2人已經育有小朋友。人妻指與老公最大的性事問題之一是沒有前戲,即使她作主動一方,老公亦「唔畀我前戲」。

人妻與老公曾經多次就性事問題討論,「但佢都一笑置之」。她曾以為老公出軌,所以檢查他的手機,但確認無第三者,而且他放工後都會立即回家,「係乖乖老公」。人妻直言「我唔要咁樣過下半世」,「Dry到爆」,至今已經試很多方法,但都不果。

人妻樓主直言自己「Dry」到爆,即使試過多個方法亦都未能改變現況。圖為示意圖片,非當事人。(GettyImages)

有數位網民表示自己有同類經歷,「我好明白你心情,因為我老公都係零(性慾),但佢對我好好,好愛我嘅,只係我哋親熱嘅次數近乎0」、「個個人唔同,老公對性愛冇咩興趣,但對我好好,我亦會好珍惜呢段婚姻」。

不過有更多網民認為,樓主老公一定有問題,,直指「男人係冇可能零性慾」,所以出軌可能性極高,「無前戲無情趣,聽你咁講似係對住你無性慾啫,同埋男人喺出面玩收得夠埋,你根本唔會知」、「肯定佢無女人?我以過來人經驗話你知,自己小心啦!唔好太天真」。

最後亦有留言作出不同建議,例如留意老公工作壓力是否太大,影響性慾,提議樓主「你咪搞啲情趣引下佢囉」、「樓主放下假,同老公去離島酒店過1至2晚,小朋友畀爸媽湊。2人世界,冇人打擾,着啲性感內衣勾起佢性慾,睇下有冇改善」。

(香港討論區)

你可能感興趣