男友稱買樓結婚要求夾錢唔落名 有樓女友感無保障：好似貼錢逼婚
物業沒有自己名字，應否拿錢幫忙付首期？有女子在討論區上發文，指男友打算先買樓後結婚，要求她拿出一半身家夾份支付首期，但由於她已經持有物業，所以買樓不能加上她的名字。女子認為事件「好似我貼錢嫁，逼佢結婚咁」，如果她拒絕夾份供樓就會被男友埋怨，勉強接受又覺得男友沒有為她着想，「純粹搵人夾首期同供樓，結婚只係被迫」。她又提到，即使男友表示買樓是為了她，但她卻覺得自己完全沒有保障。
女子在香港討論區上發文，問網民「如果層樓冇你名應該比首期嗎？」。她提到自己已經有樓，為避開支付額外稅項，「男朋友買樓唔可以加我名」，但男朋友知道她有儲蓄，所以希望她可以付等同她一半身家的一成首期，而男友就支付三成首期，隨後的裝修及供樓支出「一齊畀」。不過女子表示，男友至今未有求婚，「佢想先買樓後結婚，而我有錢應該要一齊畀」。女子理解獨力難以買樓，但男友又不願簽紙後才買樓，「話趕唔切同埋婚後財產要一半」。
女子又說，原本男友表示自己現金較多，「原本話唔使我畀首期，但買完而家又要我拎一半身家夾首期」，令她感到似是在貼錢逼婚。女子說與男友拍拖已久，「佢而家已經冇特別去氹我，平時冇乜傾計，只係放假出下街食飯咁」，如果不夾錢付首期就會被對方埋怨，夾錢又會覺得男友沒有為她着想，事件變成找人夾份買樓，結果被迫結婚，「雖然佢話係因為我所以去買樓，但係我完全冇保障咁」。
女子在留言中提到，男友要求令她覺得「做女好過結婚」，「佢買樓點解老馮要我畀錢，層樓係佢㗎喎，雖然口口聲聲話係因為要同我住所以先要買」。她認為男友只是為了不結婚後身家被分一半就提出夾份買樓，「而我而家好似為咗將我自己嫁出去咁貼錢，我而家好懷疑人生」。
不少網民表示，樓主內心既然存在猜疑，就無謂強迫自己夾錢買樓，「信唔過咪唔好畀，你嗰層都無叫佢岀，佢買又叫你一齊畀」、「如果心底有咁多猜疑，咁根本已經係冇信任基礎，仲點做人世」、「未結婚，為何要盡另一半的責任？」留言亦都提到，婚姻不應建基於金錢上，特別是男友事事計較，「你應該想清楚同佢結婚後的金錢問題」。