港男被要求婚後與女家同住　兩老超反對：住老婆娘家嘅男人好冇用

結婚後住處成為很多情侶的煩惱，有網民分享指，其兄正跟女友談婚論嫁，女方家底不錯，其家人提議男方搬進女家同住，雖然哥哥不太介意，父母卻非常反對，直言「住老婆娘家嘅男人真係會俾人睇唔起」。

下載「香港01」App ，即睇城中熱話

該網民在香港討論區以「結咗婚住老婆娘家既男人係咪好冇用？」為題發文，指哥哥跟女友談論結婚事宜，而女友本來有家底，由於女家不想他們搬離太遠，以及擔心她住得差，故提議哥哥搬進女家同住。

樓主指哥哥本計劃跟女友結婚後搬出去租樓住，然後抽居屋，「再唔係女方住我哋度都冇所謂，反正有間房」，又認為即使住女家都沒所謂，「唔使交租又可以儲多啲錢」。惟樓主父母則很反對，認為男人住進女家很沒面子，「變咗咩都要聽女方話，好冇用」，更指住在太太娘家的男人會「俾人睇唔起」、「好似食軟飯咁，講出去好難聽」，令樓主不禁慨嘆「呢個社會好現實」。

帖文引起網上熱議，網民意見兩極，有的直言會看不起這種男人，「兩老反對可以理解, 個感覺好似入贅」，又指寄人籬下就要有心理準備被人指指點點；不過有網民則認為最緊要兩夫妻有共識，「唔好理人咁多閒言閒語」，如果未有能力，暫住幾年努力儲錢買樓更實際；有人就表示「睇唔起阿哥嗰個係樓主同父母，唔係其他人」。