10姊妹聖誕交換禮物傾好$300預算 有人不滿又唔講終鬧交收場！
聖誕節將至，不少人都會玩交換禮物。最近有網民在討論區上分享，指她們共有10個女仔玩交換禮物，定下250至300元的小型家電為主題，但原來其中1人一直感到不滿但又沒有提出，其後更曾Send錯訊息到群組，稱「買咁貴我真係想是但搵個理由唔去囉」，變相焫着另一位朋友，「係咁多意見你到時咪唔好嚟囉」。最後該名一直不滿的朋友離開群組，並在IG上載Story指「不值得的是我，祝你們有個快樂的聖誕」。樓主最後批評她「惡人先告狀講到好似成班人夾埋恰佢」，感嘆裝作沒有主見的人真的很麻煩。
樓主在香港討論區上以「因為聖誕交換禮物而鬧大架」為題發文，提到她與另外9名姊姊在月頭已經說好今年聖誕節的交換禮物主題及預算，就是250至300元的小型家電，「嗰陣其實大家傾好咗，問極都話冇意見」，「已經傾緊咁樣好唔好，有冇其他意見，會唔會覺得太貴之類嘅問題」，討論間亦有諮詢過其他人的意見，但所有人都說沒所謂。
不料其實其中一位姊姊（下稱A）原來一直都不滿意安排但又沒有出聲，私底下與另外2名姊妹討論，表示交換禮物的價錢太貴，買到的小型家電又不是自己使用，「做咩要買咁好嚟交換禮物」。後來其中一名姊妹向樓主轉述事件，指她也不滿A意見多多，但討論時又不提出，到已成定局之後卻又私底下批評。
事情發展下去，A女某晚不知有心還是無意，竟然在群組中說「買咁貴我真係想是但搵個理由唔去囉」。雖然訊息在1分鐘後已經收回，但亦已經有人看到，即使有不少人打算裝作看不到，最巧合的是當日提議的人看到，加上她為人火爆，立即大鬧「你係咁多意見你到時咪唔好嚟囉，當時問有冇意見又唔出聲，你係有心當我哋係朋友，就唔會覺得買250至300嘅禮物都覺得唔值啦」。最後A離開了群組，在IG上發布Story指「不值得的是我，祝你們有個快樂的聖誕」。
樓主感嘆地指，「呢啲女真係討論到呢，唔滿意又唔出聲」，之後還要惡人先告狀，反指是別人一起欺負她。她又提到扮沒有主見的人很煩，「問你意見又扮嘢話冇，最後又要周圍同人哋講覺得咁樣唔OK囉」。
（香港討論區）