救護員當值期間不適自行求醫 遭上司1句質疑感心淡:sad咗幾日

撰文:安祖娜
出版:更新:

救護員提供緊急服務救急扶危,對體力及精神也有一定要求。有現職救護員日前發文,指有日上班期間感不適,為免影響工作表現便自行到公營診所求醫,惟上司得知後不但沒有關心,更質疑他誇大病況:「既然要即時離開,點解唔叫救護車去急症室?」事件令一向熱血的他也感心淡,傷心了數天,幸好他仍能重拾鬥志,直言不會被上司影響工作專業。

有現職救護員發文指有日上班期間感不適,為免影響工作表現便自行到公營診所求醫,惟上司得知後不但沒有關心,更質疑他誇大病況。(《跳躍生命線》劇照)

下載「香港01」App ,即睇城中熱話

該名自稱任職消防處救護員的網民投稿至facebook專頁「公務員secrets」,自言一直對緊急救護服務充滿熱誠,「無論個案有幾咁無聊,召喚本質係幾咁所謂濫用,從本心出發都係急病人所急,嚴重個案做到嘢幫到手自然滿足,無聊個案咪當載人一程」。

不過有次不快的工作經歷差點令他的信念動搖,樓主指有次當值期間突然感到不適,「自知狀態做唔到,始終呢份工遇到嘅事講緊可以係人命嚟」,因此決定早退,自行到公營診所求醫。當他康復後返回工作崗位時,上司關心的並非其身體狀況,反而是質疑他誇大病況「詐病」早退,「當咗所有睇醫生嘅夥計都係賊,質疑我患病嘅正確性」,更直接質問:「既然要即時離開,點解唔叫救護車去急症室?」

樓主康復後返回工作崗位時,上司關心的並非其身體狀況,反而是質疑他誇大病況「詐病」早退。(《跳躍生命線》劇照)

上司的質問令樓主感愕然,他表示可肯定患病當日身體未能應付工作,但「自知病情未去到需要救護車及急症室服務嘅程度」,因此基於不想勉強工作而發生差錯,影響同事及傷病者,以及不希望「加重本身資源已經緊拙的急症室同緊急救護服務嘅負擔」,才決定自己求醫,沒料卻遭懷疑。

樓主坦言對工作的熱誠一度受影響,「呢個救護主任嘅語氣同態度令我sad咗幾日」,幸好想清楚後也不忘初衷,「我係唔會俾你磨滅我對拯救生命嘅鬥志、救急扶危嘅抱負同醫護工作嘅專業!」

上司的質問令樓主感愕然,坦言對工作的熱誠一度受影響,幸好想清楚後也不忘初衷。(《跳躍生命線》劇照)

帖文引來網民討論,不少人支持樓主做法,力撐他並無做錯,「好欣賞熱誠和火熱初心」、「唔使動搖,人貴自知,我哋加油」、「問心無愧就得,總會有眼光嘅老細識得賞識,加油」。亦有網民質疑,上司才是濫用救護服務的人,「加油啊師兄,唔使sad,急救車係畀緊急人士用,呢啲係常識」、「記得同長官講,急症室係一個專科病房,並非一般街症門診,切勿濫用急症室及救護車服務,以免增加濫用報告」。

同場加映:救護員稱工作量大被批唔捱得 同袍列8點反擊:堅持緊嘅都想幫人

+7

早前有救護員怒轟有市民濫用救護服務,將救護車當作的士:

+8