老闆約單獨開會兼關懷備至 借醉稱願意包養 OL:我嘅訴求係返工

撰文:安祖娜
出版:更新:

不時有打工仔笑稱希望被包養,不用工作便能賺錢,但若現實生活遇上則未必是種幸福。有任職公關公司的女生日前發文,稱老闆不時要求與她單獨開會,下班後也會傳訊息關心。原以為老闆「睇好」她,沒料對方竟在同事聚餐上,借醉提出可包養她,翌日更認真表明願意兌現承諾,令她非常尷尬,不知如何應對。

有任職公關公司的女生日前發文,指老闆借醉提出可包養她,更認真表明願意兌現承諾,令她非常尷尬。(《雛妓 》劇照)

該名獲得老闆「垂青」的網民日前於Dcard討論區發文,稱在公關公司任職約1年,同事與老闆的關係一向不錯,「老細同我哋關係幾好,一直都無乜特別」。而最近數個月,樓主稱老闆常常相約她單獨開會,「但個會其實係多餘,完全係無嘢搵嘢嚟開」,放工後也會傳訊息跟她聊天,關懷備至,令她以為老闆特別欣賞自己,「我原本以為呢鋪掂喇,要上位喇」。

樓主續指,老闆早前不時相約她外出食飯,「仲問我『點解生到咁靚女仲要做嘢?搵個有錢人包咪得』」。直至有日老闆邀請一眾同事到其家中,「老闆娘同個仔都唔喺到,咁我哋成班同事一齊上咗去老細度食飯」,席間老闆「飲大咗」,竟借醉在眾人面前對她說:「你禮拜一唔好返工喇,以後我畀錢你使!」

她形容當時場面極度尷尬,「班同事聽到嗰下即刻你眼望我眼,成個department喺晒度,我完全唔知畀咩反應」。為了打圓場她只好「笑笑口」稱「老細你飲多咗喇」,事後亦不斷跟同事解釋,「叫佢哋唔好誤會」。

樓主指老闆竟認真表示願意包養她的生活,令她不知如何應對。(《雛妓 》劇照)

本以為聚會過後便能當作「冇咗件事」,可是老闆翌日竟再次傳來訊息,表明自己酒醉三分醒,認真表示「噚晚我是認真的,你下半世不用咁辛苦喇!」,意指願意包養她的生活。訊息令樓主再次陷入崩潰,不禁直呼:「我嘅訴求係返工咋,俾我做返個普通人啦!我諗住可以升職加人工咋,我唔係想做二奶呀!」

不少網民也對樓主的經歷感嘩然,直指若她無意接受「好意」,辭職是最佳處理方法,「quit得,就算你避到老細,啲同事對你一定有偏見」、「快啲搵工轉啦,我怕你老闆遲啲濫用職權性騷擾你啊,仲有公司總會有三姑六婆作故仔,閒言閒語都好傷人㗎,有啲嘢唔係你行得正企得正就控制到」、「去平機會、勞工處投訴等賠償啦,橫掂佢咁講完呢間公司你都做唔到落去㗎啦」。

同場加映:42歲人妻包養小鮮肉 揭男方出軌砸平治捱告 網民:做錯1件事

曹女曾包養小鮮肉,懷疑對方出軌後砸爛了自己有份出錢買的平治,結果反而捱告。(微博影片截圖)
+1
+3