泊錯車位被貼滿字條極「壯觀」　怒罵獲大讚：唔留電話搵X到你！

不少停車場均設固定月租車位，為防不小心泊錯位置，部份車主會留下電話號碼，方便其他車主聯絡。有網民在facebook分享照片，看到1輛白色私家車錯誤停泊在別人的車位，結果全車被貼滿A4紙，留言直斥「你唔留電話搵X到你」、「留電話！唔留點搵你！」、「你泊X咗我個位」。

1輛白色私家車錯誤停泊在別人的車位，結果全車被貼滿A4紙，引來大批網民討論。（facebook群組「車cam L（香港群組）」圖片）

樓主在facebook群組「車cam L（香港群組）」上傳照片，看到在某處停車場內，有白色私家車停泊在別人的車位，其引擎蓋、車頭擋風玻璃和左側車窗均被貼上多張A4紙，並寫上「你泊了我的位置！麻煩下次留電話啦！X街」、「你阻住咗我後邊架車出去！」等字句，樓主看後也忍不住笑言「何其壯觀」。

大批網民亦留言支持貼字條的車主，「呢條友真係盲㗎喎，地下印埋車牌都要泊埋人哋個位」、「點解啲人唔留電話？有時好心提你抄牌都有㗎」、「我會將我架車泊喺架車前面，又唔留電話，等佢搵我，但係又搵唔到」、「點解寫喺紙上面？」、「用膠紙便宜咗佢，應該膠水啊嘛」，亦有人認為車主應直接找管理處鎖車處理。

同場加映：亂泊車擋人門口！　遭台男施展「神級泊車」完美封印　結局神展開

台男車庫門口被1輛臨時停泊的車輛阻擋，但對方未留下聯絡方式，唯有強行泊入去。（fb群組「爆怨公社」圖片）