車頭貼「勿抄牌」揮春當護身符 網民嘲做多咗:見到呢張嘢即抄!

撰文:謝茜嘉
出版:更新:

每逢農曆新年,街上車輛違泊情況都特別嚴重,皆巿民一直相信「新正頭」警員會「隻眼開,隻眼閉」不抄牌的錯誤訊息。有網民近日於網上發文表示,於深水埗街頭發現有私家車車頭貼上「新春期間,請勿抄牌」揮春,希望警員手下留情,拍照者笑說「少年,你太年輕啦」,並指現實是應多加抄牌,「新春期間,請密抄牌」。不少網民亦直指車主「做多咗」,「本來唔抄!見到呢張嘢即抄」、「見到咁,抄完要入利市封先夠誠意」。

有網民在深水埗街頭發現有私家車車頭貼上「新春期間,請勿抄牌」揮春,希望警員手下留情。(fb群組「小心駕駛(討論別人同駕駛態度)」圖片)

下載「香港01」App ,即睇城中熱話

發現「勿抄牌揮春」的網民於fb群組「小心駕駛(討論別人同駕駛態度)」貼出照片,只見車主十分有誠意地於紅紙寫上「新春期間,請勿抄牌」,並將揮春貼在車頭,估計車主違例泊車,未有於咪錶繳付泊車費,故希望警員能放他一馬,而車頭未有夾着「牛肉乾(告票)」。

不過,不少網民認為車主「做多咗」,「本來想放生你,咁串教佢做嘢,罰抄多幾張幫你開年」、「1紅頂3白,起碼抄返3張啦」、「張告票放入利市封俾你」、「起碼夾封100蚊利市,冇啲誠意」、「放心,無抄,拖走咗only」、「新春期間,請勿違泊」。

有網民則留意到私家車所泊地方正下雨,整架車都滿佈雨水,擔心車主得不償失,「落雨之後張揮春會溶咗」、「落雨擺張紅紙出嚟,搣唔甩就好笑」。

同事加映:新手上路│網民盤點學車學不到的9件事 點樣打燈大有學問

+9
你可能感興趣