移民加拿大定英國?港女心大心細難抉擇:家人照應VS生活適合自己

撰文:卡洛兒
出版:更新:

加拿大定英國?移民是港人熱門話題,目的地更需要謹慎考慮。有女生發文稱,面前有2個移民地方選擇,一是用Stream B計劃申請移居到有親人照應的加拿大,二是一直心儀的英國,「感覺冇咁悶又冇咁凍」,認為兩地各有好壞,不知如何選擇。

移民是港人熱門話題,目的地更需要謹慎考慮。(資料圖片)

有女網民在連登討論區以「跟屋企人去加拿大定自己一個去英國」為題發帖,指自己在香港並非就讀專業科目,「讀乞食科grad」,早已預料移民後要任職藍領。她目前有2個地方作選擇:一是於下年2月底申請Stream B計劃,即專為擁有5年內大專程度或以上課程的畢業證書的人士設立的計畫,由於加拿大多倫多有家人照應,「唔使煩咁多嘢」,惟她認為該國環境太清幽,「都係望下山望下海嘅大自然」,而且非常寒冷,感覺不適合自己。

另一方案則是移民英國,女網民表示由於當地博物館及劇院林立,「感覺冇咁悶又冇咁凍,之前去落覺得幾啱自己」。(資料圖片)

另一方案則是移民英國,由於當地博物館及劇院林立,「感覺冇咁悶又冇咁凍,之前去落覺得幾啱自己」,惟當地沒有任何人照應,「冇親戚、冇朋友、冇人冇物乜都冇」。她補充指,自己尚算獨立,以往跟朋友去旅行都是擔當照顧人的角色,但始終人生路不熟,錢又不多,「自己過英國都驚驚地」。至於使費預算方面,她指畢業幾年僅有約20萬元儲蓄,坦言「真係好唔夠」。

帖文引起網上熱議,有網民認為如果財力不算充裕,還是保守一點,「睇你有幾自立,自己一個生存唔到就去加拿大」、「我係你就加拿大跟家人先,有機會再去加拿大其他地方生活試下,真係唔啱再返多倫多搵家人成本都冇咁大」、「你去英國5+1 visa都冇咗一筆錢」、你仲要有屋企人分生活使費,得閒飛歐洲旅行好過啦」。

但有網民就認為年輕就是本錢,「後生仔女有咩好驚,而家英國都周圍香港人識返朋友有幾難,只係開始唔習慣」、「去英國會好啲,感覺上會多啲唔同體驗」。

你可能感興趣