職場新鮮人常遲到被上司鬧 擺多個鬧鐘仍「醒唔到」 網民教咁做
撰文：李納德
出版：更新：
放了多個鬧鐘都吵不醒，可以怎辦？有職場新鮮人近日大呻，上班半年來經常因遲到問題被上司鬧，無奈說自己真的常常未能準時起床，雖已校了多個鬧鐘，但始終「醒唔到」。許多網民提出建議，例如嘗試找最佳睡覺時間、買舊式鬧鐘、找可以WFH的工作等，有人笑言他半年來常常遲到都未被炒，「一係上司好仁慈，一係就你好做得嘢」，又覺得問題根源可能是他對現時工作無熱誠所致。
有打工仔大呻畢業後上班半年，經常因遲到問題捱鬧，但真的經常起不了床。（《大叔的愛》劇照）
有職場新鮮人投稿至facebook專頁「奴工處」，自言畢業後已工作半年之久，但被上司鬧經常遲到，「事實上我真係成日起唔到身」，他已經校了多個鬧鐘，但始終「醒唔到」，請教網民們有什麼方法可以準時起床。
網民集思廣益提出多個方法，例如是買「勁鬧鐘」，「最好傳統有兩個鈴中間有個槌仔果種，嘈到隔離屋都鬧得醒」，而且要放遠一點，最好要落床才能撳熄，另外可以買較平價的智能手錶載住睡，「好多人都話手錶嘅振動仲醒過用鬧鐘」。
有網民覺得他可以盡早找另一半，讓對方叫起床。（《大叔的愛》劇照）
有人提出可以12點前睡覺，試試哪個鐘數睡着後翌朝會知醒，如果早到晚上9點、10點睡都無法起床，可能要求醫。有網民道出奇招，「你上司咁都忍到，不如叫佢morning call你啦」、「搵番個另一半，請佢叫醒你」，睡覺前望望戶口「當你發現冇晒錢，你就會醒」，又認為「半年經常遲到，上司仲肯鬧，而唔係炒。一係上司好仁慈，一係就你好做得嘢」。
有網民認為他是對現時工作無熱誠，可等做夠1年後轉工。（《如此燿眼》劇照）
不過，有留言認真指他可能要找工時較有彈性的工作，而且目前情況可能是他對現時工作無熱誠，缺乏動力所導致，建議他做夠1年轉到有興趣的工種嘗試。惟有網民笑稱有前同事由入職到離職未曾準時上班，甚至約出來吃飯都會遲到，相信「係人嘅問題唔係鬧鐘無料到」。
（fb專頁「奴工處」）