歧視？港男着雨靴被嘲似街市賣魚佬　女同事：男人隻腳濕下唔會死

颱風暹芭襲港，近日不時下起大雨，有港男於討論區發文大呻，日前他穿了一雙雨靴上班，卻被女同事取笑像「街市賣魚佬」，更指男人不應穿雨靴，「男人隻腳濕下唔會死，男人點着都唔會好似女人咁fashion（時尚）」。樓主對此十分不滿，表示「咩叫男人隻腳濕下唔會死？男人隻腳濕咗都會唔舒服都會臭㗎！」。

該名港男於香港討論區發文指出，每逢下大雨都會見到一些女性穿雨靴外出，因此日前他也穿了對上班，卻被女同事取笑。他問道「點解男人着雨靴就要俾人話似街市佬，反而女人着雨靴就係fashion？」，認為「女人着雨靴都似清潔工友㗎，淨係歧視男人呀？」。

有網民笑言，「係就做盡啲，加條圍裙」，也有人表示「作為女人覺得雨靴好難carry」、「其實都係睇你個人係咩人，同個樣係點，型人着雨靴都係型嘅」、「你着嗰對係水鞋，百幾蚊一對，女人着嗰啲過千蚊，你點同人哋比呀」、「落雨水浸就着，話知佢乜fashion」、「睇你着咩色嘅靴同點襯，襯到卡其色、啡色、大地色，佢哋就唔會話係似賣魚，會話你似馬術訓練嘅騎師造型」。