着吊帶背心、裁切旅行相 HR狠批打工仔奇葩證件相：認知偏差？
撰文：謝茜嘉
出版：更新：
求職時任何事出錯，都有機會影響人事部對你的印象，隨時不獲聘！有人事部打工仔近日於網上發文，分享見過的各種奇葩證件相，指出有入職者交的照片背景是大花牆、旅行照或合照，他嘲諷道：「大家對證件相三個字係咪有認知偏差？不如我自己買部證件相機幫你影？」
有人事部打工仔近日就於網上發文，分享見過的各種奇葩證件相，指出有入職者交的照片背景是大花牆、旅行照或合照。（《任意依戀》劇照）
該名打工仔投稿至fb專頁「奴工處」表示，明白求職者見工時不想給證件相，始終1張相平均須花費10多元，而一般平均都會去10間公司，認為是求職成本。他續說，很多「大哥大姐」入職後，他要求交張證件相做入職紀錄，沒料到「收返嚟嘅咩都有，四六三七面、大花牆、旅行相cut返個大自然或其他人做背景，再加吊帶小背心硬係話係證件相都得」，令他大感無奈。
不過，不少網民認為現時仍有公司要求交證件相，感覺很落伍，「咩年代仲叫人交證件相，整passport（護照）咩，喺公司搵塊白色牆用手機影都得啦」、「唔使問人拎相，即場影用打印機print（列印）咪得囉」、「仲要收hard copy相，我10幾年冇交過證件相，全部畀soft copy」，又建議「返工第一日同佢影啦，收返嚟嘅相好多時同見到真人係兩個樣，你叫門口嘅保安哥哥點認人呢」、「我公司叫人企喺白色牆前面即時手機影」、「咁係指引不足喎，簡單啲指明要HKSAR（香港特區政府）證件規格就夠」。