老竇畀76萬幫手做定存 敗家仔瞞炒股蝕42萬 網民啜核拋補救方法

撰文:謝茜嘉
出版:更新:

「點補鑊填返個氹?」有連登仔於討論區發文表示,爸爸早前給了76萬元請他幫忙於銀行做定期存款,至明年年尾存足1年即可取回,但他暪着爸爸,偷偷將錢投資美股正股,結果輸掉逾42萬元,他擔心屆時沒足夠錢還給爸爸,因而向網民求救。不少網民「啜核」地建議各類補救方法,「All in世界盃,輸咗寫紙仔離家出走」、「同老竇講,去FTX做咗美金定期」。FTX為全球第二大虛擬貨幣交易所,於本月11日申請破產保護。

有連登仔於討論區發文表示,爸爸早前給了76萬元請他幫忙於銀行做定期存款,但他暪着爸爸,偷偷將錢投資美股正股,結果輸掉逾42萬元。(「連登討論區」圖片)

該名連登仔以「股票輸咗老竇啲錢 有圖」為題發文指出,「佢(爸爸)畀我幫佢做定期,出年年尾夠1年,到時問我拎返點算好?」。他表示,現時倉內全部美股正股還未放,而自己月薪只有3萬,即使用1年時間儲人工,也不夠填補輸掉的錢,因此曾想過向財務公司借錢,「齊頭1球(100萬)」,又說「兩年前牛市沖昏頭腦」、「曾經港股贏廿萬但無收手」。

網民留言直斥,「真係生舊叉燒好過生你,如果我係你老竇真係激X死」、「最XonX就係幫屋企人投資」、「屋企人叫佢做定期,佢拎咗去賭」、「屋企人錢都搞」。有人建議借貸,「借財仔還畀佢」、「收手,要問銀行借40個還畀佢」,有人則說,「如果你講真,就直接同佢講,唔好借財仔咁傻,輸咪輸,好小事」。

有網民「抵死」地建議,「簡單,再問阿媽借話幫佢做定期,同埋叫佢唔好講出去,咁咪有錢還畀老竇,再不斷loop」、「準備定舊息畀老竇先,同佢講依家有5厘續唔續多年」、「同佢講銀行要收40萬手續費」、「誠實啲,買咗股票,問佢坐艇定等反彈」、「畀幅圖佢睇,話技術走勢上你個倉就嚟雙底反彈等多陣」。有網民指出,明年手上持股或會回升,「如果下年升返?」、「有賭未為輸喎世侄」。