貞子？停車場電單車遠激似白衣女鬼　真相原來咁　網民：嚇X死！

「好玩唔玩，玩呢啲？」近日網上流傳兩張停車場驚魂照片，有網民經過一個停車場時，驚見遠處有恐怖電影中會出現的「貞子」，嚇得他三魂不見七魄，定一定神走近察看，始發現是一場誤會。原來有電單車車主為「愛車」蓋上白布，同時揭起了座位的儲物箱蓋，令電單車形態甚似貞子。

有網民於fb群組「車cam X（香港群組）」貼出照片，電單車座位的儲物箱蓋打開後，確實會讓人錯看成長髮披臉的女子，加上車身蓋有白布，令人很易聯想為貞子。樓主也嚇到不禁爆粗，「真係俾你嚇X死」，不過他未有說明拍攝地點。

帖文引起熱議，不少網民都嚇一嚇，高呼「遠睇真係驚驚地」、「如果我行過離遠望一望真係嚇親」、「轉角望一下真係會嚇親」、「第一眼睇真係幾似」、「原來自己有老花」。

有網民風趣地留言道，「有啲矮」、「細路版，幫幫手棘住咗」、「諗住喺擋風玻璃爬出嚟，點知棘住」、「俾返條命我……」、「女嚟㗎喎，唔好放過佢」、「好生猛」、「之後架車突然退後」，有人說「咁你仲唔行過去幫佢整返好！」。