好人好事｜90歲老婦青衣街頭跌倒　善心街坊助報警仲咁做更暖心

老人家跌倒可大可小，有港女於網上分享好人好事，指出90歲媽媽日前於青衣海悅花園附近跌倒，幸遇上善心街坊扶起、開雨傘遮擋太陽及報警召救護車，目前媽媽已無大礙。

該港女於facebook群組「青衣街坊吹水會」發文表示，90歲媽媽在海悅花園附近跌倒時左手臂落地，幸獲3名善心街坊幫助，送院照X光並無骨折，清洗傷口後已出院。

樓主說，衷心感謝當時扶起媽媽及開雨傘遮擋太陽的叔叔、一對幫忙打電話報警及不斷報告情況的夫婦、在短時間到達現場及悉心照顧媽媽的救護員，「多謝多謝多謝你們」。

帖文引來網民大讚善心人，「感謝每位善心人和救護員，好人一生平安」、「好多謝好多有心人」，有網民提醒樓主，「老友記跌倒要小心，手尾可能好長，保重」。

有網民指出，事發地點地面不平，路經容易絆倒，「係咪海悅停車場嗰度？我媽前排又係呢度跌親」、「嗰度啲地磚不平，後生仔女都會撠到（絆倒）」。