九巴吐露港遇塞車 阿伯拿膠袋就地大便全車乘客忍臭 網民籲體諒
撰文：田中貴
出版：更新：
人有三急有時忍無可忍！有港男在網上大呻日前乘搭九巴，經過吐露港公路時不幸塞車，突然1名阿伯便急，只好「拎個膠袋就咁喺車解決」，更不幸的是膠袋太細，導致「痾到出晒界，一地都係糞便」，港男當時全車人「焗住聞住陣（屎味）」。網民紛紛留言指「老人家有啲健康問題係忍唔到的，望大家體諒」、「放過伯伯」，亦有網民指「突然間諗起林雪」，重提藝人林雪在劇集中家中失禁一幕。
網民認為伯伯便急難忍才被逼在車內就地解決，呼籲多體諒。（示意圖/資料圖片）
樓主在facebook群組「大埔 TAI PO」發文稱日前乘搭路線74X九巴，途經吐露港公路時交通擠塞，所有車輛因塞車而慢流，但巴士內有1名阿伯突然便意上湧，危急關頭下唯有「拎個膠袋」就地解決，「最大鑊係佢個膠袋太細」，便解時難以覷準因而出界，當時「一地都係糞便」，即使阿伯嘗試清理地面，但仍然有屎味，全車人困獸鬥被迫忍受異味。
伯伯在九巴內便解，令網民憶述藝人林雪在劇中家中失禁一幕。（《向西聞記》電視截圖）
帖文引來不少網民留言，指出「老人家有啲健康問題係忍唔到的，望大家體諒」、「放過伯伯」、「唉…塞車急屎真係人間悲劇…阿伯真係慘，但同車嘅乘客要包容」，亦有人指出「突然間諗起林雪」，重提藝人林雪在劇中家中失禁一幕。
（facebook群組「大埔 TAI PO」）