【我不怕唱歌】「小酒窩」女生跳得仲唱得 洪卓立:佢唔靚又好矮

撰文:
最後更新日期:

方力申:佢唱到出晒汗喎!

洪卓立:佢唔靚的,好矮,跳舞比我差...但我唔知邊個!

啲反應咁有趣,究竟今次主角係邊個?

攝影:黃國立 許栢倫

《我不怕唱歌》第四集,今集主角年紀輕輕已經出道,更是人氣組合成員,以青春見稱,即使組合已經解散,但成員們各自找到自己的發展。出道多年的她,圈內人緣甚廣,但她的年齡仍未到「29+1」,最標誌性的,可能就是她面上的小酒窩,不過,方力申估唔中,就連衛詩雅,都猜錯!

呢位歌手,究竟係邊個?

今次的主角,揀選了容祖兒的《還未》,她坦言:「我由細到大都係拿容祖兒的歌來唱,雖然《還未》係Side Track,但這是我最喜愛的5首歌之一,我好鍾意舒文做的歌。」對於唱別人的歌,她又坦言:「永遠都係別人唱了一個版本,很容易會跟左她的唱法,與自己歌好唔同。」喜歡容祖兒的現役歌手,就是前Hotcha成員,Regen張惠雅。

Regen今次與藍調樂隊《Hey Joe Trio》合作!

Regen真係好活潑,在街上隨意擺出多種有趣動作。
+2
+2
+2

多謝陸永

「組合時有分擔易唱好多,跳舞歌唱成首歌,獨唱差好遠,以前hotcha時都唔夠氣,3個人一齊做冇進步,依家自己出道,好清楚自己有咩問題,知道有咩唔好會改,其實有人覺得跳唱的人唔唱得,初初有小小唔開心。」

不過Regen一直有練唱歌,練練下,總算有穩定水準。「依家唱live穩定好多,初出道live唔穩陣,停左2年冇做嘢,再出live水準麻麻,開始係咁練咬字等等,有些進步,好記得一次在tvb錄節目,我又揀左《逃避你》,陸永綵排時聽到我唱就話,『你唱歌原來都ok喎』,我好多謝佢,我其實好感動!」

Regen離開舊公司後,要自己接Job,大小事務都要自己處理。

對Regen來說,跳舞容易,但唱歌反而困難。「唱歌最難係集中力,我係集中力勁低的人,好容易會放空自己,以前錄歌經常被監製鬧,唔夠專注力真係差好遠。」雖然唱歌困難,不過自從Regen獨立發展後,歌藝的確進步神速,現在更與舊公司「分手」,大小事務要自己處理。「呢間公司始終係大公司,有啲嘢去支持你,幫你頂住,自己一個樂觀啲諗係現在更自由自在,我本身鍾意自由,依家要處理好多行政嘢,我唔識呢啲嘢,類似Invoice」。

沒有公司做Back up,又會唔會害怕呢?「恐懼又冇,只是覺得係新開始,覺得自己要想清楚想點,我好鍾意唱歌演戲,自己依家做左十年好多嘢都試過做過,但乜都半桶水,我一直都好想跳舞,但又試過抑鬱,我覺得導致我對本身鍾意的東西熱情減低好多,慢慢開始提醒自己最愛是什麼,好想將跳舞唱歌演戲再專注一些!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。