張繼聰貼29年前與杜德偉合照 網民錯重點:許志安永遠18歲

撰文:黃浩晉
出版:更新:

張繼聰歌、影、視三棲都有涉獵,近年集中火力於幕前電視劇、電影演出,不過大家不要忘記他其實是童星出身,所以幕前演出可以說是做回老本行。而在YouTube上亦可以找回張繼聰小時候接拍的廣告,看過阿聰小時候的樣子,不難發現他與今年10歲的大仔張瞻十足餅印一樣!

今日張繼聰於facebook貼出1988年與杜德偉的合照,旁邊附有今年杜德偉搭住張瞻膊頭的合照,令網民大感驚訝!因為現年55歲的杜德偉像「食了防腐劑」一樣;而張瞻與張繼聰實在太過餅印,彷彿兩人就像停留在當時的年紀,穿梭時空來到2017年再合照一樣!

張繼聰更賣口乖寫道:「1988....2017,好有價值嘅一張照片! Alex哥哥,點解你可以keep住咁有型?下次邀請佢抱住我再影多次!」

張繼聰與杜德偉其實早有淵源,兩人時至現在仍然以「Alex哥哥」、「聰仔」相稱;除此之外,杜德偉的歌曲亦影響了張繼聰的音樂口味,甚至到酒廊演出時亦會翻唱對方的作品。

張繼聰貼出29年前與杜德偉的合照,杜德偉更好似唔識老咁!

「時空交錯相」一出後,網民似乎找錯重點,竟留言表示:「許志安真係keep住咁型!」,亦有網民貼出年多年前許志安被認錯為杜德偉的照片!

不過亦有資深fans留言話:「其實好想睇到李修賢同你影番張相,當年《鐵血騎警》&《赤膽情》而家睇番都好正。」、「Alex仲要man咗,十八樓牛牛大個仔咗。」不過「十八樓牛牛」應為「十五樓牛牛」。

童星年代,拍「十五樓牛牛」廣告的張繼聰。(影片截圖)

講番當時嘅「聰仔」,杜德偉透過短訊回覆《香港01》時表示:「張繼聰細個好乖,嗰次係同佢有一個港台的舞台劇我做船長佢做小船員,對聰仔的印象非常深刻,所以當時會特別同佢影合照。因為覺得佢好乖巧,年紀小小對工作非常專業、專注,而且很有活力及創造力,認真聰明,當時已經覺得呢個小朋友長大後應該有一番作為!」只看文字都能感受到杜德偉非常欣賞張繼聰。

杜德偉大讚張繼聰,仲話細細個已經睇好佢。

除了忙着照顧囝囝AJ,杜德偉一直都有做運動keep fit為了靚衫,而且食得清淡所以睇落「唔識老」。另外,杜德偉近期亦有新作品推出,又邀請到國外重量級班底操刀,整張唱片投資總預算是500萬。

投資如此龐大,會否害怕蝕錢?杜德偉回覆指:「不會擔心賺蝕問題,因為一定蝕。但我從來都覺得做音樂不是在做商品,也不是一門生意,所以我不會用金錢去衡量音樂,做好的音樂不會計較成本多或少。」

+3
發表評論...