張繼聰自認「痴漢」 對囡囡深情彈搖籃曲：為咗你重出江湖！
撰文：陳奕熙
出版：更新：
張繼聰和謝安琪（Kay）的囡囡Karina出世之後，兩人不時在網上大晒與小公主的合照，超級溫馨。成日都話女兒是爸爸的「前世情人」，阿聰今日又再「放閃」，在相中見到阿聰一臉情深的樣子拎住結他對住囡囡唱歌，更形容自己做痴漢：「為咗你Daddy就重出江湖係啦 #痴漢系列」
張繼聰都重出江湖。
阿聰愛鍚家人是總所周知的事，想當年他在叱咤頒獎台上向Kay愛的宣言，一句：「就算時光倒流幾多次，我都會娶你做我老婆。」令全城毛管戙！好多粉絲見到今次阿聰的留言都大叫：「So sweet!」，又大讚阿聰鐵漢柔情：「 好溫馨！張生無論點都咁型嘅！」、「好有愛既畫面，好爸爸系列！」
張氏一家好幸福。（Facebook圖片）
早前有報道指Kay有意作歌給囡囡，當時張生代為澄清並無此事，但見阿聰拎住結他話要「重出江湖」，難道要寫歌的是阿聰？阿聰過去亦曾為老婆寫了一首《K型》，在暫時未有新歌聽時，不如聽住《K型》先啦！