【一首歌】鄭伊健《一個為你甘去蹈火海的人》 激烈擁吻好浪漫
撰文：黃浩晉
出版：更新：
一講起鄭伊健，大家都會即刻諗起「浩南哥」，諗起「浩南哥」就自然諗起《友情歲月》「來忘掉錯對／來懷念過去／曾共渡患難日子總有樂趣」。咪住先，其實鄭伊健除咗做演過《古惑仔》入面又型又有義氣嘅「浩南哥」之外，佢都唱過好多冧歌㗎，難怪佢當時係好多妹妹仔嘅男神啦！
今次要講《一個為你甘去蹈火海的人》，淨係個歌名都夠搶眼，成11個字喎！而且個音樂底浪漫得嚟又有少少拉丁異國風情嘅感覺，一聽就即刻入晒mood，再將間屋嘅燈光調暗少少，點起蠟燭再加番兩杯紅酒，再同伴侶跳番part舞，真係如歌詞所講：「情人求你等我無人能阻我／再度來共你從新／激烈擁吻」。
咁有情調，真係想快啲返去佈置下屋企，不過首先你要有……唉，你明啦。