【流行經典50年】朱咪咪生鬼唱《打雀英雄傳》　手風順靠出符fit

《流行經典50年 唱爆周末》每個星期都為大家送上各首經典金曲，讓大家再次一嘗電視撈飯的滋味，一邊聽歌一邊成家人圍埋食晚飯對上班族可說是一件樂事。加上朱咪咪昨晚唱出《打雀英雄傳》，令觀眾聽完想食飯直落打幾圈放鬆一晚。

時值颱風卡努襲港，雖然有旅客因而行程受阻，但留在家中的市民也不見得有很多娛樂，不如就聽住咪咪姐唱《打雀英雄傳》麻雀耍樂一番。

咪咪姐果然是高手，一出場功架十足同觀眾互動氣氛非常好，台下觀眾都交足反應。咪咪姐唱《打雀英雄傳》駕輕就熟，每唱一句都配搭生鬼表情，難怪全場觀眾都睇到笑。

而且咪咪姐經常登台，非常懂得掌握搞笑節奏，在歌曲中段變成咪咪姐棟篤笑，咪咪姐話：「當我一覺得手風唔順嗰陣，我就要出符fit！不過唔使跺腳嘅，好似我哋呢啲師奶咁借啲意去洗手間，入到洗手間將入面啲內膽換晒做紅色！」仲奉勸觀眾要隨身攜帶一套紅色內衣褲，分分鐘可以靠佢翻身，觀眾聽到都笑晒口。