【音樂精讀班】吳浩康《浪漫時代》拍子要分清 錯重點好易畀人笑

撰文:彭嘉彬
出版:更新:

曾經,吳浩康的歌曲是一眾男生在K房及歌唱比賽中的追求,他每首歌曲中的真假音轉換沒有相當技巧是掌控不了。所以當時他的歌曲大概為男生的歌唱功力劃分了三個等級:唱不到、唱得到、唱得好。
的確唱歌不單是講求天份,有天份可能令你唱得到,但絕對需要一定技巧才能進一步唱得好。
攝影:黃國立

作曲人陳思捷表示,《浪漫時代》是以68拍寫成。

不經不覺,「音樂精讀班」已來到最後一堂,昨日Deep Sir以《孩子王》為例,講解拍子課題講到一半,今日當然要把課題完結。昨日講到拍子的兩大類,分別是三拍及四拍,不過其實還有68拍。而吳浩康的《浪漫時代》正正便是以68拍組成的歌曲,而根據《浪漫時代》的作曲人陳思捷所述,68拍即是34拍的Double。

第四堂複習:【音樂精讀班】唱歌唔好顧住飆高音 吳浩康話數拍子基本功好重要

第三堂複習:【音樂精讀班】唱歌點先有Feel啲? 吳浩康:唔好唱得咁大力!

第二堂複習:【音樂精讀班】吳浩康教你唱高難度假音:助跑好緊要!

第一堂複習:【音樂精讀班】吳浩康教你唱歌點先好聽:唔好做「好假的肥仔」!

阿Deep話,唱68拍嘅歌只有頭一拍係重拍。記得唱《浪漫時代》唔好每句頭一個字都咁用力啦!

拍子同力度都有關係

阿Deep表示,比起34拍,其實68拍更令人費煞思量:「數68拍嘅時候,其實就同數34拍差唔多,只係『蹦嚓嚓』數成『蹦嚓嚓 蹦嚓嚓』。兩者最大嘅分別係,演唱時68拍要比34拍嘅力度要輕,例如數『123 456』,68拍嘅重拍只會喺第1拍度,而34拍就會有兩個重拍。所以好多人唱《浪漫時代》嗰句『留戀中間道 留戀公園內』放咗兩個重拍就會弄巧反拙,唱極都好似同個音樂冇關係。記緊數68拍嘅時候,只有頭一個音係重拍。」

話咁快五堂「音樂精讀班」就完結啦!聽埋首《浪漫時代》就正式GoodBye Class!咁多位同學仔記得要溫書呀!

[吳浩康Listen to Deep Live 2017]
快達票網頁www.hkticketing.com

或致電 (852) 31288 288查詢

你可能感興趣