【星光薈萃頒獎】農夫40秒高質Rap　完美示範搞笑唔一定要低俗

昨晚《TVB馬來西亞星光薈萃頒獎典禮》除了藝員得獎，唱歌跳舞表演外，各位司儀也是焦點，當中農夫可算是「清泉」，不單止讓觀眾真心笑得出，而且他們的表演環節也是心機之作，相較其他人那些「TVB式」老舊橋段高質得多。

陸永與C君戴上金色面具cosplay《中國有嘻哈》Hip Hop Man，一出場當然要rap。二人用一段rap抽盡陸浩與肥媽的《食平D》及麥美恩、張寶兒等的《學是學非》，抽得應之餘又不會讓人尷尬。雖然最尾都係例牌吹奏一下DoDo姐高呼：「鄭裕玲！鄭裕玲！影后視后實至名歸，出年攞埋視帝」，不過又的確得農夫有資格唱Do姐，就連Do姐都讚：「佢哋都跳得幾好嘅，同埋真係唱我喎，哈哈！」

其實農夫可說是「挽救」了TVB的節目，除了以往拍住鄭裕玲的《Do姐去shopping》夠入屋之外，上星期農夫在TVB台慶中扮Do姐和曾志偉維肖維妙，短短幾句就能演繹其神髓，不用又除衫又露肉做鬧劇。網民對農夫的扮嘢環節予以正評，就連出名要求高的Do姐都開口讚，可見農夫搞笑的實力不是來自低俗惡搞，而是花心思去設計。就算要Rap住讚Do姐，也不會像頒獎節目開場改編《傷心的人別聽慢歌》一樣令人覺得盲目擦鞋又老土。

可能會有人覺得農夫明明是rapper玩Hip Hop應該要有態度，為何好地地要走去拍住Do姐做下靶？在不同節目做諧星？但老實說，如果陸永與C君沒有這樣吃得開，大家也不會見到他們今年開騷。他們講過在香港玩Hip Hop很難糊口，又提過擔任主持、參與不同幕前演出是為了賺取收入「供養」做音樂的興趣。就算農夫二人經常以諧星形象示人，但不代表他們的音樂同樣是玩世不恭，《十七年華》、《偉大航道》、《重新找到你》等等的作品同樣會令聽眾有所反思，更有人因《重新找到你》一曲找到動力追夢開cafe。

所以大家除了記得農夫搞笑一面之餘，不妨多留意他們的作品，說不定會令你有所啟發。