又到了五月之約，《Just Rock it五月天2019藍 - 香港站》今晚正式在香港迪士尼樂園幻想道露天場地舉行。第二年在迪士尼舉辦演唱會，深信不少五迷經歷過去年體驗，已做足準備才出發去迪士尼。不過今年的紀念品攤位有什麼買？周邊設施比去年又有否改善？一文立即睇晒！攝影：陳順禎
又到了五月之約，《Just Rock it五月天2019藍 - 香港站》今晚正式在香港迪士尼樂園幻想道露天場地舉行。第二年在迪士尼舉辦演唱會，深信不少五迷經歷過去年體驗，已做足準備才出發去迪士尼。不過今年的紀念品攤位有什麼買？周邊設施比去年又有否改善？一文立即睇晒！
攝影：陳順禎
與過往演唱會一樣，一行出迪士尼站便可以看見指示牌，為入場觀眾分流，睇清楚邊個方向買紀念品同食物，邊個方向先係入場！ (陳順禎攝) 比上年更貼心，唔洗行到去美食攤位就睇到有咩小食買，價錢一覽無遺！ (陳順禎攝) 小食亭除咗熱狗套餐，仲有生啤賣！睇Rock騷梗係越High越好！不過要留意，雖然可以帶飲品入場，但係唔可以帶鋁罐同埋玻璃樽裝入場！ (陳順禎攝) 除咗迪士尼嘅小食亭外，其實旁邊仲有2架美食車。記得上年嘅美食車連飯都有得食，今年轉咗做漢堡車，主打肉丸同漢堡包。(陳順禎攝) 而另一部美食車就主打燒賣同飯糰，價錢比較相宜，仲有杯裝雪糕o添！ (陳順禎攝) 記者試食咗一個牛肉漢堡，售價$69，味道尚算不錯。份量雖然唔算太大，不過入場前醫肚就方便又快捷。 (彭嘉彬攝) 去到重點嘅紀念品售賣處，正正喺小食亭隔離，不過由於人龍不斷，大概要排15-20分鐘先可以進入攤位，想買紀念品記得早一個鐘到場！(陳順禎攝) 不過如果你淨係想買螢光棒，攤位亦有貼心安排，分流買另一條只售賣螢光棒嘅櫃位，記得準備好散紙，因為不設找續。 (陳順禎攝) 排隊等買紀念品嘅同時，工作人員都會好貼心提供紀念品小冊子，一次過睇晒有咩紀念品！(陳順禎攝) 除咗Tee之外，今次大會仲有一系列不同產品。怕落雨就買遮，怕熱就買風扇，怕比人傳染…咪買個口罩囉。 (陳順禎攝) 最吸引五迷嘅周邊產品，應該就係「五月天扭轉命運第五分隊紀念套幣」同埋「人生無限公司演唱會轉眼全紀錄」。 (陳順禎攝) 嫌自己嘅行裝太大件，想輕鬆入場睇騷?入場前可以喺行李寄存放低自己嘅行李。每件$130，上年好似只需$110… (陳順禎攝) 沿路行返去迪士尼正門，米奇老鼠門牌已經成為樂迷嘅打卡聖地。 (陳順禎攝) 同大家講下廁所位，雖然演唱會場內設有二百幾個臨時廁所，不過想舒服享受自己嘅廁所時間，最近就要行返去幻想道巴士站對出嘅洗手間。 (陳順禎攝) 因為一般女性去洗手間所花嘅時間較長，所以幻想道原本一男一女嘅洗手間全部都改裝成為女洗手間，方便女樂迷需要。 (陳順禎攝) 偷偷地講個秘密你知，如果去廁所唔想排長龍，其實仲可以行遠少少去返迪士尼正門售票處，分分鐘仲快過你呆等！(資料圖片) 行到去演唱會正門入口，記得温熟入場守則呀!仲要預留時間Check袋入場，想準時入去睇騷?都係嗰句，早一個鐘到啦！(陳順禎攝) 下載《香港01》App，打開App首頁，撳「＋」選取「01眾樂迷」做你嘅「已選頻道」，每日都睇盡【01眾樂迷】精彩內容啦！
即睇 【 01眾樂迷專屬頻道】