【容祖兒演唱會】休息日加班與樂迷度過 Joey:我今晚就係你奶媽

撰文:彭嘉彬
出版:更新:

昨夜(12/8) 本是容祖兒在演唱會期間的休息日,但由於頭場遇上機件故障,Joey早前承諾首場觀眾能在12號晚免費再看一場。演唱會已順利進行多晚,樂迷昨夜再入場,Joey亦明顯做足準備,不讓樂迷再感失望。開始不久Joey已禁不著眼濕濕道:「唔知點解,今晚特別感動嘅…今晚係好特別晚上,特別場,未試過一張飛可以睇兩次!無論你今晚係唔係第二次來睇 ,我希望唔會有第三次,哈哈哈,唔好意思又叫你再來。總之如果你係iphone 的話,我今晚就係你奶媽,會幫你叉爆電,其他說話留係我歌裡面同大家講。」

休息日補場,Joey笑言自己是奶媽,為樂迷叉爆電! (資料圖片)

不少入場觀眾事先可能也會好奇,今場是特別場,沒有預先邀請嘉賓,難道會再次請出頭場嘉賓張學友?Joey笑說:「第一晚嘉賓係張學友,大家都記得啦。唔係以為今晚都係佢呀?神呀,點會連續兩次來同你地玩?你地係咪傻架?哈哈…張學友就冇啦,我睇下先,張學友個細佬就係到…張家輝!」正當眾人大叫張家輝上台時,Joey又道:「講唱歌未必係佢強項。唔好搞佢,不如我地視線再移兩個位,嘩,呢度到有另一個姓張,張信哲先生! 阿哲多年前同我做過音樂會,2015定16年?合作做過《我是歌手》,我同張信哲好有緣份㗎! 佢好似好耐冇喺香港演出,不如試下用誠意打動張信哲先生啦!」

被Joey突然拉上台,張信哲也顯得有點反應不來。 (資料圖片)

張信哲在眾人盛情面前又如何能推卻?阿哲上台後,尷尷尬尬道:「哎呀,我沒有要來當嘉賓!我是來幫你加油啊!你的演唱會導演也是我的巡唱導演!我來幫你們打氣,我被嚇倒啦。」祖兒安慰阿哲說:「沒關係啦,你整個人都好Ready啦,整個粉紅色,大家說帥不帥?」觀眾都回話: 「帥!」阿哲笑道:「帥我承認啦!但是沒準備啦」

不過祖兒亦誠意十足,邀請張信哲合唱《愛如潮水》,一曲過後還嫌不夠,拉著不肯讓阿哲走:「跟你合唱真係好多好多回憶,可不可以唱多一首歌!呢首歌我演唱會冇唱,既然你喺到,唱埋佢啦。」阿哲: 「你好多歌我都識,但係邊首,有冇歌詞呀喂…」接著兩人再跟全場觀眾大合唱《習慣失戀》把現場氣氛推到最高。

二人再於後台合照。 (資料圖片)